Экалогія і Бараньская ТЭЦ (+фота)

Учора з тэрыторыі Бараньскай ТЭЦ перасталі прасочвацца каналізацыйныя стокі

Праблема выяўленая ў Барані пры будаўніцтве ТЭЦ звязаная з пашкоджанай каналізацыяй аказалася не адзінай прабьлемай па гэтым будаўніцтве.

Напачатку вернемся да праблемы каналізацыі, воды якой ўтварылі паміж ракой Адроў і плотам Бараньскай ТЭЦ больш як 100 метровае ванючае балота.

На фота: пратокі вады з прадпрыемства ў бок ракі

На фота: вада знутры будаўніцтва

На фота: вада знутры будаўніцтва

Як бачна з фотаздымкаў дасланых у рэдакцыю, вада ў балота патрапляла з падмурку цаглянага плоту, якім абнесена будаўніцтва. Гэта азначае, што з іншага боку плота скапілася столькі вады, што яна не магла сыходзіць у зямлю і таму прабіла сабе дарогу праз агароджу.

Каля дзірак з якіх цячэ вада, цэгла набыла характэрную афарбоўку ад уздзеення мыльна салевых раствораў.

Калі ж падыйсці да таго плоту з іншага боку, то можна пабачыць вялікую колькасць вады.

Акрамя праблемы пашкоджанай каналізацыі на фотаздымках з тэрыторыі будоўлі бачна шмат будаўнічага смецця, якое, ў тым ліку, утрымлівае стары металалом прыдатны для пераапрацоўкі. З прыведзеных выяваў можна меркаваць, што метал разам з іншым смеццем нікуды не вывозіцца, а проста закопваецца спецыяльна прывезеным пяском.

Шмат нараканняў мясцовых жыхароў звязана і зсамім будаўніцтвам ТЭЦ. На сёняшні дзень горад паўнавартасна ацяпляецца пабудаванымі раней кацельнымі, працуючымі на газу. Больш за тое, пабудаваная ў свой час заводам "Тэхніка сувязі" (ранейшы "Лёс") кацельная дае энэргіі больш чым запатрабавана заводам і горадам. У такім выпадку з'яўляецца пытанне пра мэтазгоднасць будаўніцтва новай ТЭЦ.

Новае прадпрыемства па выпрацоўцы энэргіі будзе работаць на мясцовых відах паліва, канкрэтна, на торфе, здабываемым ва Ўсвіж-Буку. Сама транспарціроўка грузавікамі торфу з Усвіж-Буку да Барані можа стаць даражэй чым транспарціроўка і кошт расейскага газу.

Нараканні да будаўніцтва выказваюцца яшчэ і ў тым аспекце, што грузавікі з торфам будуць вымушаныя пайсці праз увесь горад. З дарогі на Коханава аўтамабілі з торфам будуць зварочваць на Барань і праязжаць па вуліцы 1-я Савецкая, далей па мосце пра Адроў каля заводу, выязжаць у цэнтар гораду на вуліцу Аршанская і праз жылы мікрараён і рынак зварочваць на Зарэчную. Адпаведна, вялікія грузавікі будуць разбіваць дарогу і наносіць смецце ў самой Барані. Існуюць два іншых варыянты пад'езду тарфяных грузавікоў да ТЭЦ, але для іх працы патрабуюцца сродкі. так, адзін за варыянтаў мог выглядаць такім чынам: з вуліцы 1-я Савецкая аўтамабілі маглі б заязжаць на тэрыторыю заводу, праз завод даязжаць да ракі дзе ёсць мост для завадскіх патрэбаў. Але на сёняшні дзень гэты мост у аварыйным стане. Друні варыянт: з вуліцы 1-ай Савецкай вакол завода, праз недабудаваны цагляны завод на мост за горадам. Але такім выпадку давядзецца дабудоўваць планаваную раней дарогу.