Глава місіі АБСЕ ў Оршы

З кароткім візітам учора наведаў Оршу Антоніо Мілашоскі

Амаль ад моманту рэгістрацыі кандыдатаў, у Оршы працуюць назіральнікі АБСЕ, якія праводзяць сустрэчы з усімі суб'ектамі выбарчага працэсу - падітыкамі, назіральнікамі, сябрамі выбарчых камісіяў, чыноўнікамі, журналістамі.

Кіраўнік місіі- македонец Антоніо Мілошоскі - праводзіць свае сустрэчы як ў Мінску, так і па рэгіёна, каб склаці агульнае ўражанне пра выбары. У Оршу ён прыехаў пасля візіту ў Віцнбск. У нашым горадзе ён, перш за ўсё, сустрэўся з кандыдатам у дэпутаты Міколам Пятрушэнкам і рэдактарам нашага сайту Ігарам Казмерчаком.

Пятрушэнка распавёў, што не зважаючы на заклікі да байкоту выбараў, інтарэс у людзей да выбараў прысутнічае. Аргументаваў ён гэта як вялікім інтарэсам людзей да дэбатаў кандыдатаў па 26 акрузе, так і ўласным досведам распаўсюду ўлётак. Па просьбе спадара Мілашоўскага, Мікалай сямёнавіч параўнаў парламент СССР (у якім ён быў дэпутатам) і парламент Беларусі. Параўнанне атрымалася не на карысць сучаснай Палаты Прадстаўнікоў, перш за ўсё за малую актыўнасць у законатворчым працэсе. Тым не меньш, Пятрушэнка падкрэсліў, што задаволены магчымасцямі якія даюць выбары для кантакту з людзьмі.

Ігар Казмерчак распавёў пра рэпрэсіі, якія адбываюцца ў звязку з сёняшнімі выбарамі, а таксама пра асвятленне выбараў у СМІ. Як высветлілася наш сайт найбольш актыўна асвятляе выбарчую кампанію па рэгіёну, а апытанне пастаўленае на сайце пасля рэгістрацыі кандыдатаў б'е ўсе рэкорды па актыўнасці галасавання.

Са свайго боку Антоніо распавёў пра свае ўражанні і асноўныя кароткатэрміновыя вынікі назірання місіі АБСЕ і заверыў, што канчатковы даклад місіі будзе выключна аб'ектыўным, што б пра гэта не казалі ўлады ці апазіцыйныя палітыкі.