Па ТЭЦ не дамовіліся

У Барані прайшлі грамадскія слуханні па-поваду будаўніцтва ТЭЦ на мясцовых відах паліва

На сходзе адразу ўтварыліся два супрацьлеглых бакі: эксперты і адказныя асобы запрошаныя Бараньскім выканкамам, якія імкнуліся патлумачыць што ад ТЭЦ будзе эканамічная карысць для ўсёй краіны і практычна не будзе шкоды для жыхароў гораду. І другі бок - жыхары Барані, у асноўным жанчыны і пенсіянеры, якія больш за ўсё крыўдзіліся што абмеркаванне не было праведзена да пачатку будаўніцтва ТЭЦ і прыводзілі свае аргуманты.

Прывядзем шэраг важнейшых аргумантаў абодвух бакоў. Аргуманты за:

- экалогія не пацерпіць, бо станцыя будзе абсталяваная электрафільтрамі, якія ў выпадку здарэння адключаць усю станцыю

- нават з улікам дастаўкі торфа аўтатранспартам выпрацоўка цяпла будзе каштаваць утрая танней чым з дапамогай газу

- каля трубы ТЭЦ будзе чыста - усе шкодныя выкіды будуць рассейвацца на адлегласці ў 5 кіламетраў ад станцыі

- гэта дзяржаўная праграма і ў краіне будзе пабудавана яшчэ 168 ТЭЦ з падобным абсталяваннем

Аргуманты супраць:

- паўнавартаснай экалагічнай экспертызы не праводзілася

- у Рэчыцы дзе ТЭЦ па той жа тэхналогіі запушчана 2 гады таму зараз выпадае чорны снег

- вялікія грошы патрачаныя не эфектыўна, іх можна было ўкласці на мадэрнізацыю "Тэхнікі сувязі"

Не зважаючы на ўсе спробы, экспертам так і не ўдалося пераканаць людзей у карысці ТЭЦ. Апладысменты сарваў кароткі выступ грамадскага дзеяча Аляксандра Шутава які, прывёўшы прыклад правальнага праэкту гідраэлектрастанцыі на Дняпры, назваў усе праэкты Віцебскэнэрга "вредительством".

У выніку два бакі так і не змаглі прыйсці хаця б да нейкай згоды і кожны застаўся пры сваім меркаванні. Відавочна, што на тэме будаўніцтва Бараньскай ТЭЦ кропка яшчэ не пастаўлена, хаця будаўніцтва яе ўжо скончваецца.