95 год таму немцы сышлі з Баранавічаў

95 год таму немцы сышлі з Баранавічаў
Немцы на вакзале разгружаюць калючы дрот //паштоўка са збору аўтара 4 студзеня 1919 года ў горадзе адбылася змена ўлады. Упершыню ў Баранавічах запанавалі бальшавікі.  З 24 верасня 1915 года Баранавічы былі пад нямецкай акупацыяй.  Лістападаўская капітуляцыя Германіі ў 1918 годзе прымусіла немцаў да сыходу з акупаваных земляў. За кайзераўскімі часткамі след у след (але спрабуючы не правакаваць тэўтонаў) рухаліся часткі Чырвонай Арміі. Нямецкія жаўнеры на баранавіцкай вуліцы // паштоўка са збору аўтара.   4 студзеня 1919 г. апошнія немцы пакідалі Баранавічы.  А 8-й гадзіне раніцы рэшткі кайзераўскіх салдат згрупаваліся  каля збожжавага элеватара на вуліцы Шашовай (цяпер вул. Брэсцкая), Пад аховай браневіка яны рушылі ў бок Слоніму. Праз некалькі хвілін па вуліцы Шашовай праскакаў самотны нямецкі кавалерыст, які дагэтуль стаяў на варце чыгуначнага пераездуНямецкія жаўнеры ў вайсковым гарадку..   У той самы момант на вуліцах гораду з'явілася чырвоная міліцыя. Сабраным на рынку фурманкам загадана было пераехаць на царкоўны пляц. Пасярод рынку паставілі трыбуну, прыбраную ў чырвонае. Праз пэўны час на вуліцу каля Палескага вакзалу заехаў першы патруль з дванаццаці чырвоных кавалерыстаў, а за ім прыйшла рота пяхоты.Нямецкая газета ў Баранавічах.   На скрыжаванні сучасных вуліц Леніна і Брэсцкай адбылося прывітанне бальшавіцкіх частак, пасля чаго калона рушыла з рэвалюцыйнымі спевамі на рынкавы пляц.  Пачаліся прамовы, а пасля іх запрашэнні асобных жаўнераў у хаты на абед. Начальнік аператыўнага аддзела штабу Савецкай Заходняй арміі пісаў у данясенні: «Сустрэча і прыём нашых часткаў жыхарамі Баранавічаў быў вельмі гасцінны».   На жаль, не захаваліся ўспаміны пра тое як паводзілі сябе бальшавікі ў нашым горадзе. Ці адбываліся рэквізіцыі і расстрэлы  контррэвалюцыянераў? Як дзялілі маёмасць багатых? Аднак чырвоныя хутка сутыкнуліся з часткамі польскай арміі, якая спрабавала таксама захапіць найбольш тэрыторыі, што пакідалі немцы. Пачаліся баі.    Ужо 15 сакавіка 1919 года бальшавікі пад пагрозаю акружэння пакінулі горад. Палякі ўвайшлі ў Баранавічы, толькі 17 сакавіка. Але ўжо 23-га сакавіка пад ціскам чырвоных сышлі з гораду ў які 25.03.1919  вярнуліся бальшавіцкія часткі. Таксама не малы прамежак часу...