За што яшчэ больш будзем плаціць

У жніўні падаражэюць паслугі тэлефоннай сувязі, паштовай перасылкі, узрастуць цэны на звадкаваны прыродны газ.

Тарыфы на паслугі электрасувязі агульнага карыстання, што аказваюцца фізічным і юрыдычным асобам, падаражэюць на 20%.

Для абанентаў, пераведзеных на пагадзінную аплату размоваў, плата за асноўны тэлефон, уключаны ў асобную абаненцкую лінію, дасягне 5 520 рублёў. Для ўладальнікаў тэлефонаў, уключаных па спаранай схеме ў адну агульную абаненцкую лінію і якія маюць розныя нумары, штомесячная плата складзе 4 500. Кошт хвіліны размовы будзе павышаны да 18 рублёў.

Для абанентаў, не пераведзеных на пагадзінную сістэму аплаты, штомесячная плата вырасце за асноўны тэлефон індывідуальнага карыстання да 7 920 рублёў, за асноўны тэлефон калектыўнага карыстання - да Br12 000. Плата за тэлефоны, уключаныя па спаранай схеме ў адну агульную абаненцкую лінію і маючыя розныя нумары, складзе 6 000 рублёў.

Кошт хвіліны размовы па таксафоне вырасце да 48 рублёў. Тарыфы за карыстанне радыёкропкай узнімуцца да 1 200 рублёў.

Перагледзены фіксаваныя тарыфы на паслугі паштовай сувязі агульнага карыстання.

Падаражэе перасылка паштовых картак, пісем і бандэроляў.

Тарыфы будуць павышаны на 60%. Так, за перасылку паштовай карткі, а таксама пісьма і бандэролі масай да 20 грамаў трэба будзе заплаціць 800 рублёў. За кожныя наступныя поўныя або няпоўныя 20 г масы пісьма - даплата 100 рублёў. Арганізацыям за дадатковую вагу давядзецца даплочваць 150 рублёў за кожныя 20 г.

Пастанова Міністэрства эканомікі ўступае ў сілу з 10 жніўня.

Рознічная цана на газ прыродны паліўны кампрымаваны для транспартных сродкаў будзе павялічана да 2 430 рублёў за 1 кубаметр.

Пастанова ўступае ў сілу пасля яго афіцыйнага апублікавання 7 жніўня.