Надзвычай папулярны цягнік

У прэс-цэнтры Беларускай чыгункі падвялі вынік першаму месяцу пасля запуску хуткаснага электрацягніка па маршруце Орша - Мінск.

Квіткі на хуткасны электрацягнік рэгіянальных ліній набываюцца па сістэме "Экспрэс", то бок у касах пасажырскіх цягнікоў. Маршрут Орша - Мінск карыстаецца вялікай папулярнасцю цэлы год, перш за ўсё таму, што з нашага горада ў сталіцу едзе многа маладых людзей, яны з'яўляюцца студэнтамі сталічных навучальных устаноў. Толькі за першы месяц выкарыстання электрацягнікоў бізнэс-класа удалося перавезці 22 тысячы пасажыраў. Часта цягнікі запоўненыя цалкам, такая карціна назіралася, напрыклад, 28 студзеня, хаця большасць студэнтаў цяпер на вакацыях пасля сесіі, гэты факт сведчыць пра тое, што маршрут вельмі важны і папулярны сярод людзей. Набываць квіткі на электрацягнік можна загадзя, за 45 сутак да паездкі. У першыя дні выкарыстання назіраліся смешныя выпадкі, калі ў вагоны заходзілі людзі з квіткамі на звычайную "электрычку", але служба абслугоўвання экспрэснага маршруту паспяхова спраўлялася са сваімі абавязкамі.