Баранавіцкая Рада ТБМ ладзіць конкурс, прысвечаны Валянціну Таўлаю

Баранавіцкая Рада ТБМ ладзіць конкурс, прысвечаны Валянціну Таўлаю 8 лютага 2014 года спаўняецца 100 гадоў з дня народзінаў беларускага паэта Валянціна Таўлая, які нарадзіўся ў Баранавічах. Ён пачаў друкаваць свае беларускія вершы з 1928 года, а ў 16 гадоў ужо двойчы сядзеў у турме. Свае вершы малады паэт прысвячаў значным падзеям грамадска-палітычнага жыцця беларусаў у санацыйнай Польшчы, у складзе якой была Заходняя Беларусь да 1939 года. Праўда, зборнік вершаў “Выбранае” з’явіўся ўжо пасля смерці паэта.   Каб праверыць свае веды аб жыцці і творчасці паэта Валянціна Таўлая, прапануем прыняць удзел у віктарыне і адказаць на наступныя пытанні:   1. Дзе нарадзіўся і ў якіх навучальных установах вучыўся беларускі паэт Валянцін Таўлай?   2. У якую грамадска-культурніцкую ўстанову ператварылася хата Валянціна Таўлая ў вёсцы Рудаўка Слонімскага павета?   3. Хто з беларускіх паэтаў для Валянціна Таўлая стаў “вялікім маральным падтрыманнем у найбольш цяжкія хвіліны”?     4.                  Загадай, Даларэс Ібаруры,
                     Каб ні кроку болей назад!..
                    Я прыйду, я паспею да штурму
                    На чале беларускіх брыгад. Якой падзеі ў свеце, на Вашу думку, прысвяціў сваю паэму “Таварыш” паэт Валянцін Таўлай?   5. Які лёс звязаў Валянціна Таўлая з Беларускай народнай самапомаччу ў Навагрудку ў 1943 г.?   6. Якія найбольш вядомыя паэмы і вершы В. Таўлая Вы ведаеце? Якім падзеям нашай гісторыі яны прысвечаны?   7. Якія літаратурныя псеўданімы паэта В. Таўлая Вы ведаеце?   8. У якіх гарадах Беларусі ёсць музеі і вуліцы імя В. Таўлая? Хто з’яўляецца стваральнікам у СШ № 4 музея імя Валянціна Таўлая?   9. Калі Баранавіцкай цэнтральнай гарадской бібліятэцы нададзена імя В. Таўлая?   10. “Пілую вершам краты”. Якому перыяду жыцця прысвяціў гэты радок сваіх вершаў Валянцін Таўлай?   11. Чаму культурніцкія дзеячы Заходняй Беларусі, якая была ў складзе Польшчы з 1921 па 1939 гг., так рашуча выступалі за адраджэнне беларускай мовы, а, апынуўшыся ў складзе БССР, яны праяўлялі грамадска-палітычную пасіўнасць і зусім не ўздымалі пытанне аб адраджэнні беларускай мовы і культуры беларускага народа?   12. Дзе пахаваны беларускі паэт Валянцін Таўлай?   Пераможцаў і актыўных удзельнікаў віктарыны чакаюць ўзнагароды: каштоўныя прызы і цікавыя падарункі. Адказы просім дасылаць да 26 лютага 2014 года на мэйл: [email protected] ці па адрасе: 225409, г. Баранавічы, вул. Камсамольская, 28, кв. 65 “Віктарына”. Просім абавязкова пазначыць свае кантакты.   Віктар Сырыца, старшыня Баранавіцкай Рады Таварыства беларускай мовы імя Ф. Скарыны