Масленіца: не толькі бліны, але і пернікі

На Аршаншчыне на Масленіцу выпякалі пернікі.

Масленічны тыдзень на Беларусі завецца яшчэ рабай, або “пестрой”, гатуецца як скаромнае, так і малочнае. Але імкнуцца, каб на стале было нешта асаблівае, з разраду пачастункаў, дзе-нідзе яно завецца яшчэ “балаўствам”. У спіс такога “балаўства” ўваходзяць і пернікі.

Вядомы яны тут з часоў Сярэднявечча, праўда, спачатку як прысмакі для багатых людзей. І тольк з ХIХ стагоддзя сталі прадавацца на кірмашах па даступнай цане. Займаліся «пернiкарствам” у гарадах і мястэчках, у тым ліку ў Оршы, Дуброўне, Копысі...

Асаблівую прыцягальнасць пернікам надавала іх форма – у выглядзе рыбак, птушак, сардэчкаў, лялек, конікаў і гэтак далей. Выпякалі іх з лепшай мукі з дабаўленнем мёду, патакі, маку, пранасцяў, розных харчовых натуральных фарбавальнікаў.

У такім смачным пернікавым промысле, а яго ў нас адносілі да мастацкіх, прымяняліся тры спосабы гатавання: друкаваны, фармавы і па “абразках”. Найбольш старажытным лічыцца друкаваны спосаб, калі фігурны ўзор на перніку атрымліваўся з дапамогай спецыяльнай драўлянай формы-дошкі, на якой у тэхніцы “контррэльеф” выразалі якую-небудзь фігурку. У пачатку ХХ стагоддзя друкаваная тэхніка саступіла месца металічным формачкам з вострымі бакамі, таксама ў выглядзе розных фігурак. Акрамя таго, пернікі аздаблялі салодкім глазурам, каляровымі крэмамі і г.д.

Пернікі карыстаюцца попытам і сёння.

Сёлета Масленіца па праваслаўнаму календару будзе праходзіць з 11 па 17 сакавіка.

9 сакавіка – Сусветная (мясапустная) бацькоўская субота. Памяць усіх ад веку памерлых праваслаўных хрысціян. 10 сакавіка у праваслаўных запускі на мяса.