Якія крамы лепш?

Запрашаем удзельнічаць у новым апытанні на нашым сайце!

Чарговае апытанне на сайце: якая гадлёвая сетка лепшая па суадносінай кошт-якасць?

У горадзе сёння працуе шэраг сетак крамаў розных па якасці абслугоўвання і прапануемым таварам. Якая з іх лепш, аршанцы звычайна вызначаюць уласна заробленым рублём. Мы ж прапануем яшчэ і прагаласаваць за найбольш якасную сетку, а таксама выказацца па дадзеным пытанні ў каментарах пад гэтым артыкулам.

Сетка "Алмі" - прыйшла ў Беларусь і ў Оршу з-за мяжы. сёння ў горадзе мае дзве крамы. Гэта двухпавярховая "Алмі" ў першым мікрараёне і крама "Закрама" ў Чаромушках.

Валянціна - шэраг невялікіх крамаў у розных раёнах гораду.

Вікторыя - 4 харчовыя крамы ў Оршы і адна ў Барані.

Гархарчгандаль - у свой час гандлёвы манапаліст у Оршы.

ДорОРС - сетка крамаў з найбольш спрэчнай рэпутацыяй. Належыць Беларускай чыгунцы, хаця некалькі год таму чыгунка збіралася прадаваць гэтую ці не самую вялікую гандлёвую сетку па ўсёй краіне.

Еўраопт - самая апошняя міжнародная сетка, якая прыйшла ў наш горад. Адрозніваецца вялікай колькасцю зніжак і акцыяў.

Івасі - асноўная дзейнасць - выраб і продаж рыбнай прадукцыі, але папулярнасці сетцы дадае продаж піва і цыгарэтаў.

Мяркам - першая прыватна гандлёвая сетка ў нашым горадзе. даўгі час уладальнік сеткі быў самым багатым чалавекам горада.

Орша-сэрвіс - акрамя крамаў мае ўласныя кавярні ды іншыя аб'екты.

РайПО - напачатку абслугоўвала пераважна вёску, сёння мае некалькі крамаў і ў горадзе. Сёння гэтая сетка перайменавана ў "Блакітная зорка", але ў нашым апытанні мы пакінулі старую назву, каб чытачы маглі лепш асацыяваць яе.

Раніца - дзяржаўная невялікая сетка крамаў, мае свае гандлёвыя аб'екты як у раёне Раніца, так і ў Задняпроўі.

Запрашаем нашых чытачоў удзельнічаць у галасаванні і выказвацца ў каментарах!