Ліст ні пра што

Віцебскі аблвыканкам і Аршанскі гарвыканкам адказалі мастаку Міколу Купаву

Нагадаем, што ў лісце да дзяржаўных служачых Мікола Мікалаевіч прапаноўваў уладам непасрэдна далучыцца да рэстаўрацыі былога Базылянскага манастыра, бо менавіта ўлады ў свой час сталі прычынай разбурэння помніка.

У абодвух лістах - адказах, якія прыйшлі з выканкамаў, не напісана ні слова на тэму ці гатовы аблвыканкам і гарвыканкам дапамагчы рэстаўрацыі. Затое напісана, што былі паседжанні на якіх перад чыноўнікамі выступала матушка Данііла, былі рэкамендацыі да епархіі знайсці грошы да 2011 года і г.д.

З канкрэтных выпадкаў дапамогі апісана два:

1. работнікі культуры сабралі і пералічылі ўласныя сродкі на рэстаўрацыю ў памеры 500.000 рублёў

2. работнікі культуры ўдзельнічалі ў суботніку

Самому мастаку ў абодвух лістах даецца дабрачынны разліковы рахунак, для перавожу грошай.

Пры гэтым, Мікола Купава яшчэ ў мінулым годзе абвесціў пра дабрачынны продаж сваіх работаў і, канешне, пра разліковы рахунак ведае.

Мастак застаўся не задаволены адказамі - ён прапаноўваў уладам выдзеліць грошы, улады ж ставяць сабе ў заслугу тое, што работнікі культуры сабралі грошы са сваіх кішэняў. З бюджэту на рэстаўрацыю так нічога і не выдзелена.

Нагадаем, што любы чалавек можа матэр'яльна дапамагчы рэстаўрацыі помніка архітэктуры адным з трох спосабаў:

-набыць любы тавар у царкоўнай лаўцы на другім паверсе універмагу на Цэнтральнай плошчы;

-прыйсці на набажэнства ў Свята-Пакроўскі храм (зав. Музейны, д.12, за будынкам ГАУС) і там пакінуць ахвяраванні;

-пералічыць сродкі на дабрачынны рахунак: Р/р 3015335456015, УНП 300986971 ЦКА №4 дырэкцыі ААТ "Белінвестбанк". г. Орша, вул. Леніна, 26а, БІК 153001739. Атрымальнік: прыход Свята-Пакроўскага храма г. Орша Віцебскай епархіі Беларускай Праваслаўнай Царквы.