Вілейскія дарожнікі просяць дачнікаў не ствараць звалкі смецця на прыпынках

За дзевяць месяцаў бягучага года на ўборку дарог Маладзечанскага і Вілейскага раёнаў выдаткавана сума, якой хапіла б на будаўніцтва 6,5 км пешаходных дарожак.
Як распавёў начальнік Вілейскага дарожна-эксплуатацыйнага ўпраўлення № 63 РУП «Мінскаўтадар-Цэнтр» Андрэй Квяткевіч, прадпрыемства абслугоўвае 208 км дарог Вілейскага і 80 км - Маладзечанскага раёнаў. Дарожныя рабочыя сочаць за парадкам на трасах, рамантуюць даожнае пакрыццё. Уборка смецця і чысціня на прыпынках - таксама ў кампетэнцыі дарожнай службы. Самыя актыўныя «забруджвацелі» дарог - дачнікі, якія пакідаюць бытавое смецце каля шашы па шляху дадому.

Трывогу ў дарожнікаў выклікае стан аўтадарогі Р58, якая злучае Мінск і Мядзел і праходзіць па тэрыторыі Мінскага, Лагойскага, Вілейскага і Мядзельскага раёнаў. «Улетку і ў выходныя дні ў наш рэгіён патокамі едуць дачнікі, - адзначыў Андрэй Квяткевич. - Выязджаючы са сваіх дач, яны ствараюць звалкі смецця ў прамым сэнсе слова, а гэта, зусім не ўпыгожвае раён».
Пры гэтым людзі ігнаруюць пастаўленыя ўздоўж трас смеццевыя кантэйнеры. Парадак наводзіцца, але пакуль тэхніка даедзе да гэтых сметніцаў, у кіроўцаў і пасажыраў, якія праязджаюць міма такой "карціны" складваецца пэўнае меркаванне аб працы дарожных службаў. Акрамя таго, пазапланавая ўборка смецця цягне незапланаваныя выдаткі: выдаткі на паліва, а таксама аплата працы работніку. «Тэарэтычна гэтыя грошы можна было выдаткаваць на сапраўды неабходныя рэчы», - лічыць Андрэй Квяткевич.
Нярэдка жыхары нашага рэгіёну ламаюць дарожныя знакі, размалёўваюць прыпыначныя павільёны. Такія акты вандалізму, на думку дарожнікаў, часцей за ўсё здзяйсняе моладзь. Асабліва часта такое здараецца паблізу буйных населеных пунктаў. Часам людзі зрываюць сценкі з павільёнаў. «Даводзіцца рабіць замену, подваравать заваркай, падкручваць, - распавёў начальнік упраўлення. - Па цяперашніх цэнах адзін такі павільён каштуе больш за 20 мільёнаў рублёў ».
Паўплываць на аматараў смецціць дарожнікі вырашылі перакананнем: размяшчаюць у СМІ інфармацыю з просьбай не смяціць.
Ужыць штрафныя санкцыі супраць "забруджвальнікаў" могуць як самі дарожнікі, так і органы саннадзора, а таксама інспекцыя прыродных рэсурсаў і аховы навакольнага асяроддзя.
Юлія Лахвіч
http://kraj.by/