Вялейка ў посткросінгу: паштоўкі з выявамі для сусвету

Вам дасылалі паштоўкі з іншых краін незнаёмыя людзі? Не? Значыць, вы дагэтуль не ўдзельнічаеце ў посткросінгу . Посткросінг – гэта калі ты дасылаеш і атрымліваеш паштоўкі з розных куткоў свету. Праблема беларускага посткросера… якая б вы думалі?
Адсутнасць уласна прадмету дасылання, то бок прыгожых, арыгінальных паштовак.
Прэзентацыя паштовак для посткросінгу прайшла 9 верасня ў краязнаўчым музеі г. Вялейка.

Увазе гасцей было прадстаўлена 20 выяваў нашага гораду, пачынаючы ад панарамы Вялейкі ў люстры Вяллі і заканчваючы драздамі на электрычных дратах.
Ідэя і рэалізацыя гэтага некамерцыйнага праекту належыць Насці Мізер і Іллю Якавюку. Фота Михала Куляша.

Міхал Кулеш
Распавядае Насця, аўтарка ідэі:
- Мяркую, паштоўкі з выявамі Вялейкі будуць папулярнымі. Паглядзіце на Паставы. У іх ёсць шмат прадукцыі з іх горадам, яны могуць гадзінамі расказваць пра свае Паставы. Такі рэгіянальны нацыяналізм. Вялейчукі таксама пачалі гуртавацца… Зрэшты, зараз больш актыўна, чым раней. Калі нават я, досыць адасоблены чалавек, гэта заўважыла. Трэба гэта развіваць.
У посткросінгу ты не проста дасылаеш камусці паштоўку, а распавядаеш пра тое, што на паштоўцы. Людзям запамінаецца гэта. Яны змогуць паглядзець на мапу і адшукаць на ёй Вялейку. Магчыма, нават яе наведаюць. Посткросеры – мабільныя людзі.”

Насця Мізер і Ілля Якавюк
Напрыканцы прэзентацыі для вялейчукоў спявалі Наталля Піваварэвіч і Ганна Валынец, а паштоўкі з выставачнага стэнду і стос у дадатак разыйшліся па руках людзей у якасці падарункаў.
Прэзентацыя гэтых паштовак у Менску пройдзе 15 верасня на галоўпаштамце а 15 гадзіне.

Ганна Валынец

Наталля Піваварэвіч

Hanka
Фота - Hanka, Natalica, Руся