6 лет усиленного режима за попытку ограбить банк на Набережной
Гэтая гісторыя бярэ свой пачатак 4 сакавіка бягучага года. У Дзень міліцыі ў Пружанах па вуліцы Набярэжнай было абрабавана аддзяленне «Беларусбанка». Вестка хутка абляцела ўсю рэспубліку. Па гарачых слядах злачынцу арыштаваць не ўдалося. І толькі роўна праз месяц супрацоўнікі Пружанскага РАУС затрымалі падазраваемага ў грабяжы. Адбылося гэта, дзякуючы пільнасці касіра аддзялення «Беларусбанка» ў Слабудцы, якая сярод наведвальнікаў заўважыла хлопца, які па прыкметах быў вельмі падобны на таго, які ўчыніў дзёрзкі напад у Пружанах. З дапамогай сведкаў было высветлена, на якой машыне паехаў падазраваемы. Па базе да-дзеных высветлілі, што транспарт належыць жыхару горада Кобрына. Падчас следства малады чалавек даў прызнальныя паказаннні.
Кропку ў гэтай сумнай гісторыі паставіў суд Пружанскага раёна. На лаве падсудных апынуўся раней не судзімы малады чалавек 1990 года нараджэння. Што ж прымусіла яго пайсці на такі крок лёгкай здабычы грошай?
Васіль Панкавец разам з сястрой выхоўваўся ў добрай сям’і. Бацька займаўся ўласнай справай, звязанай з аўтасервісам. Маці вяла дамашнюю гаспадарку. З чатырнаццаці гадоў Васіль ужо дапамагаў бацьку на працы. Не было ў хлопца ніякіх праблем і ў школе. Характарыстыка, выдадзеная навучальнай установай, станоўчая.
Пасля заканчэння школы хлопец працягваў працаваць разам з бацькам. У жніўні мінулага года набыў сабе аўтамабіль «Альфа-Рамеа». Неўзабаве «паляцеў» рухавік, які каштаваў нямала грошай. Васіль вырашае купіць новы аўтамабіль праз свайго знаёмага. У гэты перыяд у яго пачаліся непаразуменні з бацькам, і хлопец адкрывае ў Кобрыне ўласны аўтамагазін. На працягу тыдня, каб разлічыцца за аўтамабіль, Васіль павінен быў знайсці 2100 долараў ЗША. Прасіць дапамогі ў бацькі не адважыўся, паколькі адносіны былі нацягнутыя. І тут у галаву прыйшла думка набыцця грошай лёгкім шляхам.
Як прызнаўся падчас судовага пасяджэння падсудны, ідэя гэта ўзнікла пад уплывам фільмаў і інфармацыі ў інтэрнэце.
Пружаны Васіль ведаў, паколькі раней з сябрамі прыязджаў у Лядовы палац. Да таго ж быў ён тут і 3 сакавіка, калі прыязджаў па сваіх аўтама-більных справах. Прычым сустракаўся з чалавекам, які жыве ў доме па вуліцы Набярэжнай.
Дзень 4 сакавіка выдаўся хмарным. Неспакойна на душы было і ў Васіля Панкаўца. Даехаўшы да вёскі Астромічы ў шасці кіламетрах ад Кобрына, вырашыў вярнуцца назад. Але потым усё ж перасіліў сябе і накіраваўся ў бок Пружан. У багажніку аўтамабіля ляжалі пальчаткі і цацачны пісталет.
У аддзяленні «Беларусбанка» па вуліцы Набярэжнай у той дзень працаваў адзін касір. Краем вока жанчына заўважыла, што ў памяшканне зайшоў юнак у куртцы з капюшонам і чорных акулярах. Твар яго быў закрыты шалікам.
— Вы так падобны на грабежніка, — сказала касір.
— А я і ёсць грабежнік, — адказаў Васіль.
У работніцы банка ўзнікла думка, што гэта — вар’ят. У далейшым яна дзейнічала згодна з інструкцыямі наконт такіх выпадкаў. Прапанавала незнаёмцу беларускія грошы. Ад дробных купюр мужчына адмовіўся. Калі ж касір пачала падаваць купюры большай вартасці, Васіль дастаў з-пад курткі пакет і прадмет, падобны на пісталет. Кіўком галавы незнаёмец паказаў на сейф, дзе знаходзілася замежная валюта. Калі грабежнік павярнуў галаву ўбок, касір націснула на кнопку трывожнага выкліку аховы. Такім чынам, усе наяўныя грошы — замежная валюта і беларускія рублі — аказаліся ў пакеце рабаўніка. Як потым падлічылі, банку быў нанесены ўрон у суме звыш 21 мільёна беларускіх рублёў. Якога-небудзь насілля з боку налётчыка да касіра не было. У памяшканні малады чалавек прабыў не больш 2-3 мінут. Калі прыехалі работнікі аховы і службы бяспекі банка, яго і след прастыў.
Падчас судовага пасяджэння абвінавачваему было зададзена пытанне:
— А што было б, калі б касір адмовілася аддаваць грошы?
— А нічога не было б, я па-кінуў бы памяшканне банкаўскай установы, — адказаў ён. Вось так усё проста і гладка.
Пасля «ўдалай аперацыі» Васіль разлічыўся з даўгамі са сваім знаёмым. Спаліў вопратку, у якой ездзіў у Пружаны. Здавалася, усё будзе ціха. Але нездарма кажуць, што злачынцу цягне на месца злачынства. Напэўна, так і здарылася ў нашым выпадку. Зусім невыпадкова малады чалавек апынуўся ў Слабудцы. Дарога ў Пружаны яго нібы прыцягвала да сябе. Але колькі вяровачцы не віцца, канец будзе.
А канец гісторыі аказаўся вельмі сумны. Прыгавор суда суровы: шэсць гадоў пазбаўлення волі з адбыццём пакарання ў папраўчай калоніі ўзмоцненага рэжыму і канфіскацыя маёмасці. Зразумела, што былі слёзы бацькоў і блізкіх лю-дзей. Сёлетняй восенню Васіль планаваў згуляць вяселле са сваёй дзяўчынай. Але яго давядзецца адкласці да лепшых часоў.
У гэтай нявыдуманай гісторыі шмат людскога гора. Няхутка загояцца раны ў сям’і Панкаўцоў. Але мы заўжды павінны ставіць пытанні: хто вінаваты і што рабіць? Няхай на іх кожны знойдзе свой адказ самастойна. А гісторыя гэта павінна паслужыць добрым урокам для іншых маладых людзей.
P.S. Імя і прозвішча падсуднага зменены па этычных прычынах.
Мікола Архуцік.
Написать комментарий
Обращались ли вы за помощью в милицию?
Новости Пружан
Пасля 20 гадоў працы сыходзіць дырэктар «Пружанскага палацыка»
Хотите узнать больше? "Я планаваў яшчэ папрацаваць. Тым больш і рамонт ідзе зараз, кідаць усё не хацелася".
В Пружанах мужчина пришел на площадь с красно-зеленым флагом - его судили, дали штраф
Хотите узнать больше? Ему назначили 945 рублей штрафа.
В Пружанах на месте бывшего еврейского гетто нашли человеческие кости
Хотите узнать больше? Сколько человек там было захоронено, пока не известно.
В Беловежскую Пущу возвращаются медведи. Их здесь не было почти 200 лет
Хотите узнать больше? Последний пущанский медведь был убит в 1846 году.
В Пружанском районе водителю Mercedes стало плохо за рулем, он снес знак и вылетел в кювет
Хотите узнать больше? Авария произошла 18 марта, около 09.25, в деревне Лежайка.
Могла сгореть вся парковка. Расстрел автомобилей из фейерверка попал на видео в Пружанах
Хотите узнать больше? Происшествие случилось на улице Интернациональной.
В Брестской области за сутки в ДТП погибли два пешехода
Хотите узнать больше? Аварии со смертельным исходом произошли 21 ноября в Ляховичском и Пружанском районах.
В Пружанском районе с неба упала редкая птица
Хотите узнать больше? Вероятнее всего, птица в тумане перепутала улицу с водной поверхностью.
Объявления
Теплица Агро-Стандарт Оцинкованная. Бесп...
569 бел.руб.
11:35, 25.02.2022Строительство каркасных домов и бань.Пру...
600 бел.руб.
13:38, 22.11.2021Фасовщик сухофруктов Вахта проживание
1 500 бел.руб.
12:13, 25.10.2021Грузчик-маркировщик Вахта в Минске
1 500 бел.руб.
12:12, 25.10.2021Сварщик (Мостовые конструкции Чехов)
3 000 бел.руб.
20:29, 31.08.2021О Пружанах
Ружаны — магнетическое место.
Подробнее Ружаны — магнетическое место. Над городским поселком возвышаются руины старинного каменного дворца с почти не тронутыми подвалами. По поверью, на самой их глубине от недостатка кислорода гаснут
Интересная Беларусь
Новости о коронавирусе в Беларуси на 10 мая
Подробнее Ситуация с коронавирусом во всех странах обновляется ежедневно. Дальше новости о коронавирусе в Беларуси на 10 мая.