Воллейболисты поставского «Атлант-Д» досрочно стали чемпионами

Фота з архіва

“Лужасна-ВКВ” (Віцебск) – “Атлант-Д” (Паставы) – 3:2, 3:2

1 дзень. 3:2 (30:28; 17:25; 25:19; 18:25; 15:13).

2 дзень. 3:2 (26:28; 25:23; 20:25; 25:19; 15:9).

Як і чакалася, у гэтых дзвюх цікавых і напружаных сустрэчах вырашылася галоўная ін­трыга першынства. У мінулым годзе пастаўчане таксама за тур да завяршэння чэмпіянату краіны пасля дзвюх выязных перамог у Магілёве ўпершыню ў сваёй гісторыі заваявалі званне чэмпіёнаў Беларусі па валейболе ў другім па моцы айчынным дывізіёне. На гэты раз да нашай каманды нават у адсутнасць аднаго з лідараў, кандыдата ў майстры спорту Сяргея Собалева такі поспех прыйшоў ужо пасля трэцяй партыі паўторнага матча, якую госці ўпэўнена выйгралі.

Сёлета пастаўчане ўпэўнена правялі другую палову першынства Беларусі і большасць складаных сустрэч на выездзе з моцнымі сапернікамі выйгралі, не дапусцілі асечак. Ужо ў званні чэмпіёнаў яны маглі дазволіць віцябчанам выйграць і паўторны матч і тым самым стаць уладальнікамі сярэбраных медалёў напярэдадні заключных складаных сустрэч з грозным БДУ ў Мінску. У гэтым сезоне “бронзу” таксама датэрмінова выйгралі рэзервісты адной з мацнейшых каманд краіны — мінскага МАПІДа.

Нашу каманду мы цяпер убачым у справе яшчэ дома 20-21 красавіка ў заключных матчах сезона з баранавіцкім “Лакаматывам”. На пляцоўцы ФАКа можна будзе паглядзець моцную і ўпэўненую гульню пастаўскіх валейбалістаў, якія  пацвердзілі, што іх мінулагодні поспех на нацыянальным узроўні не быў выпадковасцю. У нядзелю, 21 красавіка, пасля гульні з “Лакаматывам” (пачатак у 11 гадзін) адбудзецца цырымонія ўзнагароджання пераможцаў — каманды “Атлант-Д” і ігракоў.

Уладзімір ШЫК.