Выборы — под контролем наблюдателей

У Беларусі вядзецца актыўная работа па інфармаванні грама­дзян аб маючых адбыцца выбарах у Парламент. Аб гэтым гаворыцца ў інфармацыйным паведамленні шта­ба місіі наглядальнікаў ад СНД.

«Наглядальнікі адзначаюць, што ў Беларусі вядзецца актыўная работа па інфармаванні грамадзян аб маючых адбыцца парламенцкіх выбарах», — гаворыцца ў паведамленні. У штабе місіі тлумачаць, што на інтэрнэт-сайце ЦВК і ў друкаванай прэсе размешчаны адрасы і тэлефоны акруговых выбарчых камісій. Рашэнні мясцовых выканаўчых і распарадчых органаў аб межах выбарчых участкаў таксама апублікаваны ў мясцовых СМІ, а ў населеных пунктах вывешаны інфармацыйныя плакаты.

Таксама місія СНД пазітыўна ставіцца да ўдзелу ў маніторынгу парламенцкіх выбараў нацыянальных наглядальнікаў. Гэта, як лічаць наглядальнікі ад СНД, дасць магчымасць узмацніць грамадзянскі кантроль за ходам выбараў, зрабіць іх празрыстымі. «На гэты час акруговымі і ўчастковымі выбарчымі камісіямі акрэдытаваны больш за 400 наглядальнікаў, якія прадстаўляюць розныя палітычныя партыі і грамадскія аб’­яднанні», — паведамляюць у штабе місіі.

Наглядальнікі адзначаюць і забяспечанасць выбаркамаў заканадаўчымі актамі аб парламенцкіх выбарах і неабходнымі метадычнымі рэкамендацыямі. З членамі акруговых выбарчых камісій праведзены семінары-нарады па пытаннях арганізацыі і правядзення выбараў.

Місія наглядальнікаў ад СНД пачала доўгатэрміновы маніторынг 25 ліпеня гэтага года. Па стане на 17 жніўня са 110 акруговых выбарчых камісій наглядальнікі наведалі больш за 60. У складзе місіі акрэдытаваны 47 наглядальнікаў, у тым ліку 35 — на доўгатэрміновай аснове. Фарміраванне місіі наглядальнікаў ад СНД прадаўжаецца.

БелТА.