Усё залежыць ад людзей

«Мазгавым цэнтрам» прад¬прыемства з’яўляецца раённая дыспетчарская служба, якую ўзначальвае Мікалай Іосіфавіч Ожэль (на здымку справа). Адзін са старэйшых яе работнікаў — дыспетчар Павел Норбертавіч Вярцінскі (на здымку злева).

Лічаныя дні засталіся да завяршэння 2013 года. На працягу яго адбылося шмат розных падзей, урачыстасцей. А аднымі з апошніх адзначаюць сваё прафесійнае свята работнікі энергетычнай сістэмы Беларусі. Расказвае начальнік раёна электрычных сетак Аляксандр ­Мар’янавіч СКРЫЦКІ:

—  Імкліва праляцеў яшчэ адзін год. Канчатковыя яго вынікі будуць падведзены, але ўжо сёння бачна, як папрацавалі энергетыкі. У спёку і ў сцюжу, днём і ноччу яны забяспечвалі бесперабойную падачу электраэнергіі і тым самым са­дзейнічалі стварэнню камфорту і ўтульнасці ў дамах і кватэрах, рытмічнай рабоце станкоў, электраінструментаў, іншага абсталявання ў розных галінах вытворчасці. Дзякуючы гэтаму на прадпрыемствах, у арганізацыях і ва ўстановах Пастаўшчыны вядзецца выпуск прамысловых і харчовых тавараў шырокага прызначэння, аказваюцца паслугі, задавальняюцца іншыя патрэбы насельніцтва.

Работнікі Пастаўскага раёна электрычных сетак працуюць так, каб створаная энергасістэма дзейнічала дакладна, без збояў. Поспех справы залежыць ад людзей. Умела і адказна забяспечваюць работу на сваіх участках майстры Юрый Леанардавіч Чарняўскі, Уладзімір Мікалаевіч Шурпік і Мар’ян Францавіч Мышко. Прафесіяналамі ў сваёй справе з’яўляюцца электраманцёры Валерый Яўгеньевіч Зубрыцкі, Алег Пятровіч Лысёнак, Якаў Аляксандравіч Ільясевіч, Валянцін Расціслававіч Катовіч. Надзейныя ў рабоце вадзіцелі Андрэй Уладзіслававіч Варнела і Вадзім Уладзіміравіч Назаранка. Спакойна і прафесійна паводзяць сябе ў экстрэмальных сітуацыях дыспетчары Антон Сяргеевіч Валетка і Аляксандр Антонавіч Анкудовіч. Менавіта дзякуючы ім, а таксама іншым работнікам калектыў у цэлым спраўляецца з выкананнем пастаўленых перад ім задач.

Брыгада майстра Юрыя Леанардавіча Чарняўскага (на здымку крайні справа) з’яўляецца адной з лепшых па эксплуатацыі сельскіх размеркавальных сетак у такіх буйных населеных пунктах, як Кураполле, Вярэнькі, Камаі, Ярэва, Хацілы і іншых. Іх бесперабойную работу забяспечваюць Іван Раманавіч Вітко, Юрый Іосіфавіч Антаневіч, Іван Іванавіч Мацюшонак, Аляксандр Іванавіч Радко.

Ёсць у нашай дзейнасці і пэўныя цяжкасці, не ўсё атрымліваецца так, як хацелася б. Але, нягледзячы ні на што, дзякуючы настойлівасці і намаганням кожнага члена працоўнага калектыву ўсе спажыўцы пастаянна забяспечваюцца электраэнергіяй. За гэта ў першую чаргу хочацца па­дзякаваць усім работнікам раёна электрасетак, а таксама павіншаваць са святам працаўнікоў іншых энергасістэм, ветэранаў працы, пажадаць усім моцнага здароўя, святочнага настрою, усяго самага найлепшага ў новым   годзе.

  Фота Пятра  КУРЫЛОВІЧА.