Прапануем пакупнікам скідкі і падарункі

Скідкі ў сістэме спажыўтаварыства практыкуюцца даўно. Асабліва шмат акцый будзе арганізавана ў пераднавагодні час.

З 3 па 20 снежня ў пастаўскіх уні­версамах “Цэнтральны”, “Юбілейны”, “Родны кут” (у райцэнтры і Варапаеве) пры пакупцы тавару на агульную суму 250-349,9 тыс. рублёў прадастаўляюцца скідкі ў памеры 3%, на — суму 350-349,9 тыс. рублёў — 5%; на суму звыш 500 тыс. руб. — 7%. Скідкі не распаўсюджваюцца на тавары, што ўдзельнічаюць у акцыях, а таксама на якія, згодна з заканадаўствам Рэспублікі Беларусь, устаноўлены максімальная рознічная цана (цукар, табачныя вырабы) або гранічныя гандлёвыя надбаўкі ніжэй за 20% (малочная прадукцыя, вараная каўбаса і іншыя).

Ва ўніверсамах “Прадукты” (Ка­маі), “Ганна” (Лынтупы), магазіне тавараў паўсядзённага попыту “Дунілавічы”, пастаўскіх магазінах “Ветразь”, “Азёрны”, варапаеўскіх № 3 і № 29 ладзіцца іншая акцыя. Пакупнікі, якія ў перыяд з 3 па 25 снежня ў адным гандлёвым аб’екце набудуць тавараў на 1-2 мільёны рублёў, атрымаюць падарунак коштам 80-100 тысяч. Калі агульная сума пакупкі (або сума чэкаў) складзе 2-3 мільёны, гарантаваны прэзент коштам 150-200 тысяч; калі яна перавысіць 3 мільёны — цана падарунка будзе да 300 тысяч рублёў.

Ва ўнівермагах, спецыялізаваных магазінах па гандлі нехарчовымі таварамі пры аднакратным набыцці тавараў на агульную суму звыш 1 млн рублёў прадастаўляюцца скідкі ў памеры 10% на наступную пакупку. У гэтых жа гандлёвых аб’ектах праходзіць акцыя “Дзень імянінніка”: пакупнікам, якія нарадзі­ліся ў снежні, па прад’яўленні пашпарта прадастаўляецца скідка ў памеры 15-20%.

У магазінах райспажыўтаварыства як індывідуальныя асобы, так і арганізацыі могуць набыць святочныя навагоднія сертыфікаты. Прымаем заказы на выраб навагодніх падарункаў. Існуе гнуткая сістэма скідак. Тэлефоны для даведак: 4-11-71, 4-23-68.

Запрашаем па пакупкі!

Г. СЯНЬКО,

намеснік старшыні райспажыўтаварыства па гандлі.