«Поставщина — волшебный край»

Пад такой назвай у нашым раёне ў перыяд з 20 верасня па 30 снежня 2013 года праводзіцца дабрачынная акцыя. Яе мэта — выхаванне ў школьнікаў грамадзянскасці, павагі да гісторыі Беларусі, Пастаўшчыны, далучэнне дзяцей і іх бацькоў да вывучэння гісторыі, культурных традыцый і дасягненняў роднага краю.

У навучальных установах раёна праводзяцца факультатыўныя заняткі, гісторыка-края­знаўчы курс  “Паставы­знаўства”. Для іх правядзення выкарыстоўваецца кніга І. М. Пракаповіча “Чароўны край — Пастаўшчына”, якая ўяўляе сабой вучэбны дапаможнік для школьнікаў.

Яна была выдадзена ў 2009 годзе тыражом 100 экзэмпляраў для школьных бібліятэк. Гэта зусім мала (у 2013/2014 навучальным годзе ў раёне 3583 школьнікі). Таму ўзнікла патрэба ў перавыданні кнігі з дапаўненнямі і DVD-дадаткам тыражом 1000 экзэмпляраў. Хацелася б, каб гэту цудоўную кнігу набылі не толькі школьныя бібліятэкі, але і бібліятэкі ўстаноў культуры, жыхары раёна.

Распараджэннем старшыні райвыканкама створана рабочая група па правядзенні акцыі. Яе ўзначаліў намеснік старшыні райвыканкама Ю. М. Кісялёў. Просім усіх жыхароў раёна, землякоў, зацікаўленых і ўсіх неабыякавых лю­дзей прыняць актыўны ўдзел у акцыі і па магчымасці аказаць матэрыяльную дапамогу.

Грошы можна пералі­чыць на дабрачынны рахунак аддзела адукацыі, спорту і турызму Пастаўскага райвыканкама (3642324001863 ЦБУ № 230  филиала № 216 ОАО “АСБ “Беларусбанк” г. Полоцка, код 150801648, УНП 300077155, ОКПО 02150258. Спонсорская помощь для подготовки и издания книги И. М. Прокоповича “Чароўны край — Пастаўшчына”).

Даведкі можна атрымаць па тэлефонах аддзела адукацыі, спорту і турызму: 4-29-88 і 4-29-82, а таксама аддзела ідэалагічнай работы, культуры і  па справах моладзі райвыканкама — 4-19-35.

Па даручэнні рабочай групы

А. КАШЫРЫН, начальнік аддзела

адукацыі, спорту і турызму РВК.