Глыбоцкія камунальнікі вызначылі самых удачлівых рыбаловаў

1. Улоў, які пацягнуў амаль на міліён рублеў, бур ( самы большы акунь 23 грамы), палаку і набор флажкоў.

У прадапошні дзень рыбалавецкага сезону 2013 года па падледнаму лову рыбы, заўзятыя рыбаловы УП ЖКГ Глыбоцкага раёна на Плісскім возеры аспрэчвалі першынство ў камандным заліку сярод участкаў і аддзелаў прадпрыемства і ў асабістым заліку.
Моцны снегапад, завіруха з марозам не засмуцілі закадычных аматараў падлёднага лову.
Згодна Палажэння, спаборніцтвы складваліся з двух этапаў. На першым этапе ўдзельнікам дазвалялася лавіць на працягу пяці гадзін і дзе заўгодна на вызначаным абшары возера. Па выніку першага этапу з 17 рыбаловаў вызначаліся шэсць самых спрытных і снаровістых: А. Багачоў (735 грамаў), А. Кухта (630 г.), П. Чаброўскі (580 г.), А. Холад (550 г.), Ю. Рэшатоўскі (465 г.), Ю. Рыжый (416 г.). Вызначыліся пераможцы ў камандным заліку. Дыпломы атрымалі: 1 – места – каманда кацельных і цяплавых сетак у складзе А. Кухта, П. Чабароўскі і Ю. Рэшатоўскі, 2 – места – каманда водаканала ў складзе: А. Холад, Г. Русак і А. Свілёнак, 3 – места – каманда аўтатранспартнага ўчастка ў складзе: Ю. Рыжый, Я. Самсонаў і П. Маціковіч. Мініспінінгам з катушкай быў узнагароджаны П. Чабароўскі, які злавіў самую вялікую рыбіну, а Ю. Рыжы за самую маленькую рыбінку атрымаў зімовую вудачку.
На другім этапе спаборніцтваў на дакладна вызначанным невялічкім участку возера на працягу паўгадзіны шэсць вышэй узгаданных фіналістаў змагаліся за галоўныя ўзнагароды спаборніцтваў у асабістым заліку.
Вось тут азарт, вось тут напруга. На кану паўміліённыя прызы і званне самага ўдачлівага рыбака прадрыемства. На 10 хвіліне першым злавіў акуня А. Кухта і амаль да канца другога этапа, як ні стараліся астатнія фіналісты, ніхто нічога не злавіў. Судзейская калегія пагадзілася на ўверттайм, але на апошніх секудах, амаль адначасова рукі ўгору ўскінулі А. Холад і Ю. Рыжы. Толькі дакладныя электронныя вагі вызначылі пераможцу спаборніцтваў. Грамату за першае месца і бур 180 мм атрымаў А. Кухта. Ю. Рыжаму дасталася адпаведная грамата і палатка, а трэцім прызёрам стаў А. Холад, які атрымаў набор флажкоў.
Апроч пералічаных узнагарод, згодна калектыўнай дамове, пераможцы, як у асабістым так і камандным заліку атрымаюць грашовае ўзнагароджванне ў памеры адной базавай велічыні, а прызёры – паўбазавай.