Свята Глыбоцкіх камунальнікаў

Бугалтар водаканала Даша Клімяценка

У актавай зале камунальнікаў

Падчас узнагароджвання

Падчас узнагароджвання

На свята камунальнікаў завіталі бабулькі з Бураціі

Гледачы таксама неблагія артысты

Самадзейныя артысты, справа кіраўнік групы М. Раловіч

Напярэдадні свайго прафісійнага свята ў актавай зале УП ЖКГ Глыбоцкага раёна было людна. Знайшоўшы час, завітала сюды і кіраўніцтва раёна ў асобе старшыні райвыканкама Алега Морхата і намесніка старшыні па будаўніцтву і жыллева-камунальнай гаспадаркі Аляксея Янкевіча, каб павіншаваць з нагоды свята, падвесці вынікі працы за прайшоўшы год і ўзнагародзіць лепшых работнікаў гападаркі.
Першым на ўрачыстым пасяджэнні ўзяў слова дырэктар УП ЖКГ Глыбоцкага раёна Андрэй Шымковіч. У сваёй прамове, якая суправаджалася відэафільмам аб гіторыі і паўсядзенным жыцці камунальнікаў, павіншаваў і шчыра падзякаваў сваіх падначаленых за добрасумленную працу, распавёў пра дасягненні гаспадаркі за прайшоўшы год, уручыў узнагароды найлепшым работнікам (была праблема адбору пры вялікай колькасці годных) і выказаў упэўненнасць, што дружны і працавіты калектыў і надалей справіцца з любымі цяжкасцямі для выканання пастаўленых задач.
Што і казаць, крыўдна неяк за камунальнікаў. Усё добрае зробленнае штодзённай, нялёгкай, карпатлівай, а часам і гераічнай працай калектыва гаспадаркі – цяпло і святло ў дамах, чыстая вада ў кранах, добраўпарадкаваны, квітнеючы і чысты горад грамадзянамі ўспрымаецца як належнае і як бы не заўважаецца, а прымаецца як Божая Ласка – дар дарам дадзены. А надарыцца непаладкі – крайні “стрэлачнік” – ЖКГ.
Тым не менш, старшыня райвыканкама А. В. Морхат выказаў сваё задавальненне працай калектыва камунальнай гаспадаркі, асабліва падчас падрыхтоўкі і правядзення прайшоўшага Дня пісьменства, бы менавіта аснаўны цяжар праблем ляжаў на плячах камунальнай службы. Больш таго – як адзначыў прамоўца – аўтарытэт старшыні райвыканкама цалкам залежыць ад вынікаў працы калектыва ЖКГ. Была агучана перспектыва далейшага росквіту горада і раёна. Ад імя Віцебскага ўпраўлення жылева-камунальнай гаспадаркі і Глыбоцкага райвыканкама Алег Віктаравіч уручыў узнагароды дырэктару Глыбоцкай ЖКГ Андрэю Шымковічу і іншым работнікам.
З цікавасцю і задавальненнем успрынялі прысутныя прамову наступнага аратара, намесніка старшыні райвыканкама па будаўніцтву і жылёва-камунальнай гаспадарцы Аляксея Янкевіча.
Напрыканцы ўрачыстага паседжаня, самадзейныя артысты парадавалі саіх калег цудоўным канцэртам.