Глыбоцкая раённая гімназія запрашае на дзень адкрытых дзвярэй

1 сакавіка 2013 года
Глыбоцкая раённая гімназія
запрашае бацькоў вучняў 4-х класаў школ горада і раёна на дзень адкрытых дзвярэй.

Пачатак: 17.30
Адрас: г. Глыбокае, вул. Школьная, 34а
Тэлефон для даведак: 2-43-41

Ваша дзіця заканчвае пачатковую школу, і, магчыма, Вы задумаліся аб тым, дзе прадоўжыць навучанне.
Мы запрашаем Вас у гімназію!
Навучанне ў гімназіі мае свае перавагі і асаблівасці.
Па-першае, у гімназіі створаны ўмовы для навучання на павышаным узроўні. У 5 – 9 класах матэматыка і замежная мова вывучаюцца на павышаным узроўні ( 5 гадзін у тыдзень). На ІІІ ступені агульнай сярэдняй адукацыі (10 – 11 класы) адукацыйны працэс па жаданні бацькоў і вучняў можа быць арганізаваны па чатырох кірунках: фізіка-матэматычным, хіміка-біялагічным, грамадазнаўчым і філалагічным.
Па-другое, прыём у гімназію ажыццяўляецца на конкурснай аснове па выніках уступных іспытаў, таму ў класах вучацца дзеці, зацікаўленыя ў вучобе. Мова навучання ў 5 класе вызначаецца па выбары бацькоў. Заняткі ў гімназіі праводзяцца ў першую змену.
Калі падумаць пра будучае яшчэ ў 5-м класе, то можна атрымаць добрыя вынікі.
Нашы выпускнікі паспяхова паступаюць у вышэйшыя навучальныя ўстановы: за апошнія тры гады працэнт паступлення складае 92-94%. Напрыклад, большасць выпускнікоў 2012 года паступілі ў прэстыжныя ВНУ краіны: БДУ, БДЭУ, Мінскі медыцынскі ўніверсітэт, Віцебскі медыцынскі ўніверсітэт, лінгвістычны ўніверсітэт і г.д. Дзве выпускніцы навучаюцца ў вышэйшых навучальных установах Польшчы і Літвы.
На працягу чатырох год нашы вучні становяцца пераможцамі Міжнароднага конкурсу крэатыўнасці “Адысея Розуму”, а таксама іншых міжнародных, рэспубліканскіх і абласных конкурсаў і праектаў. У нашых вучняў ёсць магчымасць развіваць свае здольнасці на факультатыўных занятках, у гуртках, студыях, клубах, дзе можна паглыбіць свае веды па прадметах, навучыцца танцаваць, спяваць, пабыць у ролі навукоўцы, журналіста, акцёра і інш.
У рамках міжнароднага супрацоўніцтва вучні гімназіі маюць магчымасць наведваць Францыю і Польшчу.
Уступныя іспыты па рускай мове, беларускай мове, матэматыцы адбудуцца з 1 па 10 чэрвеня. Пры паступленні ўлічваюцца гадавыя адзнакі па тых вучэбных прадметах, па якіх праводзяцца іспыты.
Прыём заяў да 1 чэрвеня.
Вучням, якім неабходна жыллё, прадастаўляецца інтэрнат і бясплатнае харчаванне.
Запрашаем Вас і Вашых дзяцей наведаць гімназію ў час правядзення Дня адкрытых дзвярэй, які адбудзецца 1 сакавіка.
Дадатковы набор у 6-11 класы будзе праходзіць у жніўні. Кантактны тэлефон 2-43-41