Вынікі спаборніцтваў па настольнаму тэнісу сярод працоўных калектываў Глыбоцкага раёна

агульнае пастраенне

падчас спаборніцтваў

справа пераможца турніру Алена Булло і бронзавы прызёр Надзея Шарабайка

пратакол

8 снежня ў будынку Глыбоцкага ЦФАП праходзілі раённыя спаборніцтвы па настольнаму тэнісу. Гэта былі прадапошнія спаборніцтвы, якія ўваходзяць у праграму круглагадзічнай раённай Спартакіяды сярод працоўных калектываў 2012 года.
Згодна судзейскага пратакола, заяўкі на ўдзел у турніры па настольнаму тэнісу падала 12 каманд, але цалкам укамплектаваных было менш паловы.
У камандным заліку пераможцам стала каманда “Ліцэй”, на другі месцы – “Ахова” і трэцім прызёрам стала каманда “Райпо”. Каманды: ЖКГ, ДЭУ-35, Камбікормавы з-д, Энергазбыт, ЦРБ, АП №16, Мясакамбінат, БРСМ і Аграсервіз занялі адпаведна з 4 па 12 месцы.
У асабістым заліку пераможцам сярод жанчын стала Алена Булло – ЖКГ. Марына Івашкевіч (Ліцэй) – другое месца, а на трэцім месцы Надзея Шарабайка (Мясакамбінат).
Сярод мужчын абсалютным пераможцам стаў Сяргей Паляк – Ахова. Асабіста выступаючы Сяргей Прахаронак і Ігар Хаткевіч (Ліцей) падзялілі 2 і 3 месцы.
Напрыканцы года варта сказаць колькі слоў увогуле аб круглагадзічнай працоўнай Спартакіядзе Глыбоцкага раёна. Скажам прама – назіраецца спад масавай зацікаўленнасці да спорту, як з боку працоўных калектываў, так і кіраўніцтва аддзела па фізкультуры, спорту і турызму Глыбоцкага райвыканкама. Заканчваеца Спатакіяда 2012 года, але спартыўнае кіраўніцтва раёна нешта перамудрыла і яшчэ афіцыйна не падведзены вынікі Спартакіяды 2011 года. Напрыклад, КФК УП ЖКГ Глыбоцкага раёна стаў срэбраным прызёрам круглагадзічнай раённай працоўнай Спартакіяды 2011 года, але не мае Граматы, а гэта значыць і магчымасці, каб замаўляць перад адміністрацыяй прадпрыемства аб заахвочванні лепшых спартоўцаў па выніках 2011 года.
У мэтах сапраўднай папулярызацыі занаткамі фізкультурай і спортам у працоўных калектывах, на думку аўтара гэтых радкоў, не грэх бы спартыўнаму кіраўніцтву раёна падсумаваць вынікі круглагадзічнай працоўнай Спартакіяды 2012 года загадзя. Агучыць іх 15 снежня па заканчэні апошніх спаборніцтваў па дартсу. Выйсці з прапановай да старшыні райвыканкама з прапановай запрасіць усіх кіраўнікоў прадпрыемстваў і арганізацый Глыбоцкага раёна на гэта ўрачыстае мерапрыемства і нават можна было прапанаваць правесці спаборніцтвы па дартсу і сярод іх.