У Горках ізноў новенькая плітка пайшла пад зямлю

horki.info Новости Горок | 13-04-2013

У Горках каля амфітэатра, які адмыслова на беразе Ніжняга возера пабудавалі да леташніх "Дажынак", правалілася плітка. Яма атрымалася даволі глыбокая. Абвал адбыўся без ахвяраў.

Пра тое, што так можа адбыцца папярэджвала, напрыклад, Вольга Савельева, інжынер-гідратэхнік. Яна нават напісала ліст у Адміністрацыю прэзідэнта. У сваім звароце спецыяліст папярэджвала, што крыты схіл Ніжняга возера да яго ўмацавання карянмі дрэваў быў парэзаны глыбокімі ірвамі, што ўжо выклікала частыя абрушэнні дарогі. Механічныя ўласцівасці мясцовага грунту спрыяюць яго далейшаму змяшчэнню – запэўнівала Вольга Данілаўна.

Дзеля пабудовы амфітэатра ў гэтым месцы былі высечаны сотні дрэваў, супраць чаго выступалі гараджане, а таксама давялося знесці ўлюбёны куток, які ў Горках мясцовыя называлі "Каменная кветка".
Што яшчэ абвальвалася ў Горках пасля "Дажынак"?

Правалы і абвалы пачаліся ў Горках пасля "Дажынак" амаль адразу. Новенькая тратуарная плітка, укладзеная адмыслова да свята ўраджаю, у розных месцах гораду прасела.

Камунальныя службы аператыўна латалі гэтыя дзіркі. Пакуль не здарылася ўвогуле нечуванае. Маладая пара, якая вярталася дахаты з аўтавакзала, раптам апынулася пад зямлёю.

Недалёка ад Горацкага райвыканкаму плітка абвалілася пад нагамі супругаў. Маладой жанчыне нават давялося звярнуцца па дапамогу доктара – шок не прайшоў бясследна.
Антон Валадзько,
Фотаздымкі Андрэя Стуканава

Заметили ошибку? Выделите текст, нажмите Ctrl+Enter и оставьте замечание!

Написать комментарий

Информация

Чтобы написать комментарий вам нужно авторизоваться или зарегистрироваться

Обращались ли вы за помощью в милицию?