Сям'я, якая правалілася ў Горках пад зямлю, можа атрымаць кампенсацыю

Горки: новости, фото, видео :: horki.info Новости Горок | 16-01-2013

Прадпрыемства "Цеплавая энергетыка" гатова кампенсаваць страты сям'і, якая ў Горках правалілася пад плітку.

Такую інфармацыю можна даведацца з артыкула "Горкі: ахвяры "Дажынак" на сайце Радыё "Свабода".

У матэрыяле гаворыцца, што у аддзеле жыллёва-камунальнай гаспадаркі Горацкага райвыканкама паведамілі, што з нагоды скандальнага здарэння "Цеплавая энергетыка" не адмаўляецца ад сваёй віны. Яна згодная ім усё аплаціць. Няхай прад’яўляюць выдаткі".

Акрамя гэтага раскрываецца і магчымая прычына таго, што плітка правалілася пад нагамі маладой пары.

"Там атрымалася так, што труба вычарпала свой тэрмін прыдатнасці і з'явілася трэшчына. У выніку вымываўся грунт", – цытуе словы супрацоўніцы аддзелу Горацкага райвыканкама сайт "Свабоды".

Як паведамляў horki.info, у Горках каля кавярні "Адпачынак" пад зямлю праваліліся муж і жонка. Плітка абвалілася ў іх пад нагамі, і двое людзей, трымаючыся за рукі, апынуліся ў яме. Ім на дапамогу прыехала хуткая і міліцыя.

Пазней ахвяры нечуванага інцыдэнту паведамілі, што праходзяць медычнае абследаванне пасля здарэння, а маладая маці, якая адчула на сабе, што значыць патрапіць у бездань, мае нават псіхалагічную траўму. Цяпер дзяўчыне цяжка нават гуляць з калыскай па горадзе – не пакідае адчуванне, што можна праваліцца на гэты раз з дзіцем.

Здарэнне з сямейнай парай – першае ў Горках пасля "Дажынак", якое магло скончыцца бядой. Пакуль абышлося. Тым не менш, яно нагадвае, што недаробак у паслядажынкаўскім райцэнтры засталося шмат.
Ягор Клішэвіч

Заметили ошибку? Выделите текст, нажмите Ctrl+Enter и оставьте замечание!

Написать комментарий

Информация

Чтобы написать комментарий вам нужно авторизоваться или зарегистрироваться

Обращались ли вы за помощью в милицию?