Міністэрства культуры абараніла гістарычную спадчыну Горак ад мясцовых разбуральнікаў

Горки: новости, фото, видео :: horki.info Новости Горок | 04-04-2012

Хоць нядаўна створаны ў Горках “грамадскі савет па захаванні і памнажэнні гісторыка-культурных каштоўнасцяў” і прасіў дазволу знішчыць некалькі жылых дамоў на тэрыторыі Акадэмгарадка, прадстаўнікі Мінкульту ў гэтым адмовілі.

Размова вядзецца пра дамы нумар 4 і 6 па вуліцу Ціміразева і дом нумар 3 на вуліцы Мічурына. Яны знаходзяцца пад аховай дзяржавы, бо з’яўляюцца сэрцам акадэміі. З іх пачыналася горацкае ВНУ ў канцы 19 стагоддзя.

Пытанне пра знішчэнне гэтай архітэктурнай спадчыны ў Горках узнікла на першым пасяджэнні “грамадскага савета па захаванні і памнажэнні гісторыка-культурных каштоўнасцяў”.
Парадаксальна, але большасць членаў гэтага органа выказаліся не за захаванне і памнажэнне, а супраць.
У кіраўніцтва савета ўвайшлі рэктар БДСГА Аляксандр Курдэка, старшыня мясцовага аддзялення “Белай Русі” Аляксандр Чачоткін і начальнік аддзела адукацыі райвыканкама Святлана Браніцкая.

У адказ на “ініцыятыву знізу” ў Горках адбылося выязное пасяджэнне рэспубліканскай навукова-метадычнай рады па пытаннях гісторыка-культурнай спадчыны.
Сталічныя абаронцы культуры ў адрозненні ад нашых, горацкіх, былі настроены да мясцовых архітэктурных здабыткаў патрыятычна.
Таму дамы на тэрыторыі акадэміі, што ўваходзяць у Рэестр Міністэрства культуры, застануцца на сваім месцы. Жыхароў адселяць, а ў будынках з часам правядуць рэстаўрацыю.
Ягор Клішэвіч.

Фотаздымкі дамоў па вуліцы Ціміразева 6 і 4 – Аляксандра Тэйніна.

Заметили ошибку? Выделите текст, нажмите Ctrl+Enter и оставьте замечание!

Написать комментарий

Информация

Чтобы написать комментарий вам нужно авторизоваться или зарегистрироваться

Обращались ли вы за помощью в милицию?