У Горках абмеркавалі аграрную рэформу

Горки: новости, фото, видео :: horki.info Новости Горок | 25-08-2011

У сераду 24 жніўня ў Горках адбыўся круглы стол па пытаннях зямельнай рэформы. На мерапрыемстве выступілі Пётр Мігурскі, кандыдат эканамічных навук, дацэнт, а таксама Мікалай Юркоў, вучоны аграном-эканаміст, дырэктар СПК “Дрыбінскі” (1973-2001 гг.).
Спачатку вядучыя акрэслілі бягучы стан айчыннай сельскай гаспадаркі, вызначылі асноўныя праблемы і магчымыя сцэнарыі развіцця падзеяў у аграрным сектары ў агляднай будучыні. Кожны з экспертаў выказаў сваё бачанне станоўчых і адмоўных наступстваў магчымай зямельнай рэформы і пераходу да прыватнай уласнасці на зямлю.

Пасля разгарэлася сапраўдная дыскусія. Прысутныя задавалі пытанні пра тое, наколькі наспела ў краіне неабходнасць рэфармаваць аграрны сектар.
Цікавіліся, як адбывалася трансфармацыя калгасна-саўгаснай сістэмы ў суседніх постсавецкіх краінах.
Спрачаліся наконт прычынаў перабояў у мясцовых крамах з алеем, цукрам ды мясам.

Вядучыя мерапрыемства закранулі тэму коштаў на прадукты харчавання.
Пра свой паспяховы досвед вырошчвання таннай грэчкі на Дрыбіншчыне расказаў Мікалай Юркоў.
Пётр Мігурскі расказаў, як правільная матывацыя працы на сяле можа даць адчувальны вынік для гаспадаркі і для кожнага, хто ў ёй працуе. Абодва эксперты сышліся ў думцы, што сяляне павінны быць максімальна далучанымі да кіравання гаспадаркай, а таксама да размеркавання прыбытку ад рэалізацыі прадукцыі.

У дыскусіі прынялі ўдзел мясцовыя журналісты, грамадскія актывісты і іншыя зацікаўленыя грамадзяне.

Заметили ошибку? Выделите текст, нажмите Ctrl+Enter и оставьте замечание!

Написать комментарий

Информация

Чтобы написать комментарий вам нужно авторизоваться или зарегистрироваться

Обращались ли вы за помощью в милицию?