Закрыть

11 прычын, па якіх варта наведаць Мірскі замак

Страна Беларусь | 01-04-2011 | 16 547
11 прычын, па якіх варта наведаць Мірскі замак

Асаблівую цікавасць у Мірскім замку выклікаюць:
1. Слуцкі пояс
Пояс прадстаўлены ў двух фрагментах – адзін з асноўных элементаў касцюма багатага беларускага шляхціца. Слуцкія паясы вырабляліся з тонкіх шаўковых, залатых і срэбных нітак.

2. Шпалера «Паляванне на тура»
Шпалера з распаўсюджаным у ВКЛ і Рэчы Паспалітай сюжэтам “паляванне”. Першая ў Рэспубліцы Беларусь набытая шпалера такога кшталту. Тур – сімвал моцы. Нездарма яго малявалі на гербах гарадоў. Гэтая шпалера была створана каля 400 гадоў таму на пачатку XVII стагоддзя.

3. Рогі тура
Унікальны экспанат, знойдзены на Гродзеншчыне. Маецца толькі дзве адзінкі ў Рэспубліцы Беларусь. Апошні тур быў забіты ў Налібокскай пушчы ў 1627 годзе.

4. Ядры гармат
Аўтэнтычныя экспанаты. У часы будаўніцтва замка артылерыя лічылася найбольш дасканалай і сучаснай зброяй пры штурме крэпасцей. Мірскі замак будаваўся з папраўкай на новыя ваенныя тэхналогіі. Байніцы яго вежаў былі разлічаны на артылерыйскі абстрэл. Да нашых дзён за сценамі замка знахо-дзяць каменныя ядры XVI–XVII стагоддзяў.

5. Кавалерыйскі барабан (літаўра)
Унікальны
экспанат. У другой палове XVIIІ стагоддзя тагачасны гаспадар Мірскага замка Караль Станіслаў Радзівіл быў адным з самых магутных магнатаў Рэчы Паспалітай. Колькасць яго прыватнай арміі была больш за 10 тысяч чалавек. Падобныя барабаны выкарыстоўваліся ў радзівілаўскай кавалерыі ў XVIIІ стагоддзі. Гучныя гукі барабанаў былі сігналам да атакі.

6. Чорная сасна ў парку
У старажытнасці “італьянскі сад” каля Мірскага замка славіўся экзатычнымі раслінамі і дрэвамі. Каля замка ў пейзажным, так званым англійскім парку расце вельмі рэдкая для Беларусі чорная сасна, паса-джаная князямі Святаполк-Мірскімі. Гэта дрэва можа дасягаць узросту 800 гадоў. Такія экзатычныя зялёныя хвойныя дрэвы любілі са-джаць каля сцен сваіх рэзідэнцый беларускія магнаты.

7. Копія карты Радзівілаў
Першы гаспадар Мірскага замка з роду Радзівілаў па прозвішчу Сіротка быў вядомым падарожнікам. На пачатку XVII стагоддзя яго кніга аб пілігрымцы ў Святую зямлю была перакладзена на некалькі еўрапейскіх моў і вытрымала каля 20 выданняў. У магната было шэсць сыноў, якія, як і іх бацька, любілі вандраваць па свеце. У 1620 годзе яны прывозілі са сваіх вандровак у Мірскі і Нясвіжскі замкі геаграфічныя карты, якія ўжо тады былі даволі дакладнымі. Адна з такіх карт прадстаўлена ў экспазіцыі Мірскага замка.

8. Гістарычная рэканструкцыя экспазіцый
«Сталовая ізба» XVII ст. і «Партрэтная зала» 1740–1750-х гг. У гэтых залах адноўлены кесаніраваныя і ляпныя пазалочаныя столі, устаноўлены і рэканструяваны печы і каміны, паркетная падлога, дэкор сцен.

9. Марка «Мірскі замак»
Першая марка, выдадзеная ў гонар замка. У 1930 гады прэзідэнт Польшчы Масціцкі наведаў Мірскі замак і сустрэўся з князем Міхаілам Святаполк- Мірскім. Прэзідэнт Польшчы высока адзначыў намаганні князя па рэстаўрацыі замка і захаванні “польскай культурнай спадчыны”, якой лічыўся замак. Неўзабаве была выпушчана і марка з выявай замка.

10. «Галава барана» на сцяне з відам на стаў
Існуе легенда: пакуль будзе цэлая гэта галава, будзе стаяць замак.

11. Экспазіцыя Святаполк-Мірскіх
У гасцёўні экспануецца пласцінка з запісамі рамансаў Надзеі Святаполк-Мірскай. Пласцінка знойдзена супрацоўнікамі Нацыянальнага мастацкага музея Беларусі ў архіве (г. Мінск). Голас будзе агучаны ў экспазіцыі.

Супрацоўнікам удалося зрабіць алічбоўку песень з адной з пласцінак і запісаць на сучасны дыск. Такім чынам, можна пачуць голас адной з княгінь Святаполк-Мірскіх.

Подписывайтесь на наш Telegram-канал @govorim_news
Заметили ошибку? Выделите текст, нажмите Ctrl+Enter и оставьте замечание!

Написать комментарий

Информация
Чтобы написать комментарий вам нужно авторизоваться или зарегистрироваться

Обращались ли вы за помощью в милицию?