Чатыры гады “хіміі” за аўтакатастрофу пад Горкамі

Новости Горок | 26-07-2011

Учора ў Горках быў абвешчаны прысуд па справе пра сутыкненне трактара СПК “Аўсянка” і аўтобуса “Горкі-Крым”, поўнага турыстаў. Здарэнне адбылося амаль год назад. У выніку катастрофы загінуў адзін чалавек, чатыры атрымалі цяжкія цялесныя пашкоджанні.

Вырак суду быў зачытаны каля пятай гадзіны вечара ў панядзелак 25 ліпеня. Паводле рашэння вінаватым у страшнай трагедыі, якая ўскалыхнула Горкі летась, быў прызнаны трактарыст СПК “Аўсянка” Аляксандр Цярэшкін (20 гадоў).
Суд прызнаў хлопца вінаватым па дзвюх частках 317 артыкула Крымінальнага кодэкса Беларусі, то бок у парушэнні правілаў дарожнага руху і эксплуатацыі транспартнага сродку, што прывяло да смерці чалавека і менш цяжкіх ды цяжкіх цялесных пашкоджанняў.
Цяпер трактарыста чакае абмежаванне волі на чатыры гады і пазбаўленне права кіравання транспартным сродкам на працягу трох гадоў. Да ўступленне прыгавору ў сілу падсудны будзе знаходзіцца дома пад падпіскай пра нявыезд.

Таксама суддзя часткова задаволіў позвы з боку пацярпелых да СПК “Аўсянка”.
Паводле рашэння грашовую кампенсацыю атрымаюць шэсць чалавек, а агульная сума складзе больш за 73 мільёны рублёў.
Бакі маюць права абскардзіць рашэнне горацкага суда ў магілёўскі абласны суд цягам дзесяці дзён.

Больш поўны рэпартаж з залы суда чытайце ў чацвер 28 ліпеня ў газеце “УзГорак”. Яе можна набыць у любым газетным кіёску, а таксама ў крамах “БелМаркет”, ”Фея”, “Перекресток”.

Заметили ошибку? Выделите текст, нажмите Ctrl+Enter и оставьте замечание!

Написать комментарий

Информация

Чтобы написать комментарий вам нужно авторизоваться или зарегистрироваться

Обращались ли вы за помощью в милицию?