Кубак застаўся ў Жодзіне

zhodinonews.by Новости Жодино | 20-07-2013

У мінулую нядзелю на жодзінскім стадыёне (раён ГРЭС) прайшоў традыцыйны, ужо пяты па ліку, турнір па міні-футболу, прысвечаны памяці Якава Шапіры. У ім прынялі ўдзел каманды аматараў футбола са Смалявіч, Мінска, Барысава, Маладзечна, Жодзіна, журналістаў газеты “Прэсбол”, выхаванцаў Якава Шапіры з мінскай “Атакі”, а таксама ветэраны і трэнерска-адміністрацыйны склад клуба “Тарпеда-БелАЗ”. Дзесяць калектываў былі падзелены на дзве падгрупы і правялі гульні па кругавой сістэме на дзвюх пляцоўках у фармаце два тайма па дзесяць хвілін.

Пасля завяршэння матчаў у групах каманды, якія занялі другія месцы, пазмагаліся за трэцяе месца. Барацьба выдалася ўпартай, фанаты жодзінскага “Тарпеда-БелАЗ” першымі адкрылі лік, але ветэраны “Тарпеда” здолелі яго выраўніць, і асноўны час завяршыўся ўнічыю – 1:1. У пасляматчавых пенальці вопыт перамог маладосць.

У галоўным фінале сустрэліся трэнерска-адміністрацыйны склад “Тарпеда-БелАЗ” з фанатамі мінскага “Тарпеда”. Жодзінцы даволі ўпэўнена павялі ў ліку – 3:0, але крыху расслабіліся і прапусцілі два мячы. Але ўсё ж сталі пераможцамі турніра. Усе каманды-прызёры атрымалі кубкі, а іх кожны гулец – медаль.

Сяргей Пузанкевіч

Заметили ошибку? Выделите текст, нажмите Ctrl+Enter и оставьте замечание!

Написать комментарий

Информация

Чтобы написать комментарий вам нужно авторизоваться или зарегистрироваться

Обращались ли вы за помощью в милицию?