На Смаргоншчыне пройдзе фестываль «Залессе запрашае сяброў» (+ праграма мерапрыемства)

Упершыню на фестывалі-кірмашы «Залессе запрашае сяброў» на Смаргоншчыне будзе прадстаўлены падворак «Гродзенскай праўды».

Гэта не адзіная адметнасць свята, якое сёлета пройдзе 1 жніўня на старых падмурках былога маёнтка Агінскіх побач з музеем-сядзібай.

На сёлетні фестываль, прысвечаны 325-годдзю з дня заснавання Залесся, упершыню зaпрасілі залесцаў з усяго свету. Ганаровымі гасцямі фестывалю-кірмашу будуць прадстаўнікі Залескіх сельскіх Саветаў з Кобрынскага i Глыбоцкага раёнаў, з Залескай гміны Люблінскага ваяводства Польшчы. I канешне, ганаровымі гасцямі свята стануць ураджэнцы смаргонскага Залесся i тыя, хто быў звязаны з гэтымі мясцінамі, жыў i працаваў тут.

У святочных мерапрыемствах прымуць удзел творчыя калектывы з Латвіі, Літвы, Польшчы i Украіны. Жыццё Залесся будзе прадстаўлена на тэматычных пляцоўках «Станцыя Залессе», «Залеская карчма», «Амеліна i яе жыхары», «Лекары Залесся», «Залескія чытанні». Тут жа будзе прадстаўлена i пляцоўка «Гродзенскай праўды».

Як i штогод, на кірмашы прадставяць свае вырабы майстры народнай творчасці. Прысутныя змогуць паўдзельнічаць у тэатралізаваных экскурсіях па музею-сядзібе Mixaлa Клеафаса Агінскага.

Праграма раённага фестывалю-кірмашу «Залессе запрашае сяброў»
Цэнтральная пляцоўка (аг. Залессе побач з сядзібай М.-К. Агінскага)
12.00 – урачыстае адкрыццё фестывалю-кірмашу
«У Залессі, як нідзе, фестываль-кірмаш ідзе».
13.00–16.00 – святочны канцэрт творчых калектываў «Вернісаж талентаў народных».
Пляцоўка «Дзіцячы карагод забаў»
Тэматычныя імправізаваныя пляцоўкі «На падворках старажытнага Залесся» (былы французскі парк побач з сядзібай М.-К.Агінскага)
11.00–16.00 – «Станцыя Залессе», «Залеская карчма», «Амеліна і яе жыхары», «Лекары Залесся», «Залескія чытанні» і інш.
11.00-16.00 – выстаўка-кірмаш вырабаў майстроў народнай творчасці горада і раёна «Майстэрства рукатворны цуд».
Дзяржаўная гісторыка-культурная ўстанова «Музей-сядзіба М.-К.Агінскага»
13.00, 14.00, 15.00, 16.00 – тэатралізаваныя экскурсіі па сядзібе М.-К. Агінскага.
11.00–16.00 – Святочны гандаль.
Наталія Маркевіч
http://grodnonews.by/ru/3/0/nodes?search=Автор: