Зборнік паэзіі навучэнцаў каледжа “З лёгкай рукі” ўбачыў свет

Прэзентацыя зборніка вершаў і разважанняў навучэнцаў Столінскага каледжа «З лёгкай рукі» прайшла ў прысутнасці паэткі са Століншчыны Ірыны Ляшкевіч. Гэта ўжо чацвёрты па ліку выпуск зборніка творчых работ навучэнцаў каледжа.

Літаратурна-музычная гасцёўня сабрала не толькі аўтараў зборніка “З лёгкай рукі”, але выкладчыкаў, выхавальнікаў, тых, хто цікавіцца паэзіяй. Ініцыятар сустрэчы і рэдактар зборніка – выхавацель інтэрната №1 каледжа Іна Прыка.

Менавіта вершы Анастасіі Забаўка, Ангеліны Шульжэнка, Ганны Калашук, Марыі Татарчук, Святланы Ігнаткевіч, Таццяны Кацубы, Яны Чэчун увайшлі ў зборнік і былі прэзентаваны на сустрэчы. Усе дзяўчаты родам з розных рэгіёнаў Брэстчыны і Гомельшчыны, ім менавіта, каледж аб’яднаў іх на пачатку творчасці.

“Мама, перестань волноваться! / Мне ведь уже не 11 лет…”, - напісала ў вершы “Маме” Анастасія Забаўка, які прачытала яго прыстутным пад падрыхтаваную відэапрэзентацыю пра сваю сям’ю. Сярод твораў дзяўчат – прысвячэнні роднай мове, роднай зямлі, родзічам, выкладчыкам, думкі, якія хвалюць сучасную моладзь.

Маладыя аўтары расказалі, як і калі да іх прыходзіць натхненне. Дзяўчаты пішуць свае творы на рускай, на беларускай мовах.

Ірына Ляшкевіч дала парады пачынаючым паэткам наконт таго, як і калі лепш выкарыстоўваць вершаваную мову для выкладу сваіх думак. Паэтэса распавяла эпізоды са свайго жыцця, звязаныя з творчасцю.

Як адзначыла загадчык бібліятэкі каледжа Наталля Сахарчук, прыемная атмасфера, што панавала на працягу гасцёўні, яшчэ болей аб’яднала прысутных. Ды і гаварыць пра паэзію было прыемна пад музычныя нумары Станіслава Рамашкі.

Сам зборнік «З лёгкай рукі» можна ўзяць у чытальнай зале каледжа.