В Мосаре летают жуки-носороги!

24 чэрвеня, ва ўрачыстасць Святога Яна Хрысціцеля, вельмі дзіўны жук завітаў у Мосар — жук-насарог!

Валадарства насякомых (казурак) мае шмат незразумелых да гэтага часу таямніц. Цікавае пытанне: а ці можа насарог лётаць? Можа! Прытым выдатна і без прыпынку пераадольвае адлегласці больш за 50 км (у ходзе эксперымента пазначаныя жукі праляталі праз праліў Ла-Манш). Вучоныя вылучаюць разнастайныя гіпотэзы аб прынцыпах палёту гэтага жука, але яшчэ ні адна з іх не знайшла пацвярджэння і не дала адказу на пытанне, як менавіта лятаюць жукі-насарогі?

Вельмі здзівіў жук тым, што яго надкрыллі пры уз­дзеянні ўльтрафіялетавых прамянёў валодаюць паўправадніковымі ўласцівасцямі. Адкрыў гэтую з’яву ў 1954 годзе нямецкі хімік, біяхімік Рыхард Кун (Kuhn) і назваў жукоў-насарогаў мадэллю антыгравітатара.

Адны крыніцы сцвярджаюць, што тэрмін жыцця жука-насарога не больш за тры месяцы. Дарослы жук не спажывае ежы. У жукоў-насарогаў атрафіраваны практычна ўсе органы страўнікавай сістэмы. Гэта можа быць доказам таго, што жукі зусім не харчуюцца, а атрымліваюць энергію для жыццядзейнасці з запасу пажыўных рэчаў, якія скапіў у “дзяцінстве” лічынкай.

А іншыя крыніцы даводзяць тое, што яны могуць харчавацца разрэджанай ежай ці сокам раслін. Мэта жука-насарога ў прыродзе — знайсці сабе пару і запусціць новы жыццёвы цыкл.

Арыентавацца ў прасторы яму дапамагаюць добра развітая сістэма органаў пачуццяў і дзіўна пабудаваны рог. Яго розныя мікрачасткі маюць розны паўправадніковы супраціў, гэта дазваляе разглядаць жука як мікрасхему або чып, створаныя самой прыродай. Нават калі ён ударыцца ў чалавека пры палёце, то будзе адчувальны электрычны разрад.

Такі вось дзіўны “госць” — і жук, і насарог — стварэнне Божае!

Ксёндз Аляксей ЮРКАЙЦЬ, 

адміністратар мосарскай парафіі. 

Фота Вольгі ШАТЫБЕЛКА.