В Поставах подведены итоги смотра-конкурса на лучшую подготовку к новогодним праздникам

Напярэдадні Новага года ў раённым выканаўчым камітэце адбыліся падвядзенне вынікаў і ўзнагароджанне пераможцаў гарадскога агляду-конкурсу на лепшую падрыхтоўку да навагодніх свят.

Агляд-конкурс праводзіўся з 10 па 30 снежня па чатырох намінацыях: сярод прадпрыемстваў і арганізацый, аб’ектаў сацыяльнай сферы, cферы абслугоўвання і прыватных прадпрымальнікаў. Падводзячы яго вынікі, намеснік старшыні райвыканкама Ю. М. Кісялёў адзначыў, што пастараліся ўсе. Сёлета ў святочным афармленні з’я­вілася нямала новых элементаў і ўпрыгажэнняў, што асабліва ўлічвалася аглядавай камісіяй пры падвядзенні вынікаў. Дарэчы, яе рашэнне  ў многіх выпадках супала з ацэнкамі жыхароў райцэнтра, якія ў захапленні ад казачнага, непаўторнага выгляду асобных будынкаў і тэрыторый.

Сярод прадпрыемстваў і арганізацый першае месца прысуджана “ДЭУ-33” (кіраўнік — Г. І. Татарчук), другое — філіялу “Пастаўскае ДРБУ-132”  (С. А. Рагіня), трэцяе —  “ Аўтатранспартнаму прадпрыемству №17” (А. Д. Малахаў).

 Лепшымі ў сферы абслугоўвання прызнаны: аддзяленне кругласутачнага знаходжання тэрытарыльнага цэнтра сацыяльнага  абслугоўвання (Г. С. Урбановіч), сярэднія школы №5 (В. М. Ромель)  і №1 (П. Ю. Трава). 

У намінацыі “Сфера абслугоўвання” пераможцам выйшла раённае спажывецкае таварыства (Р. А. Леўкавец). Другое і трэцяе месца занялі адпаведна аддзяленне “Белаграпрамбанка” ў г. Паставы ( Л. Л. Касарэўскі) і  раённае аддзяленне дэпартамента “Ахова” МУС Рэспублікі Беларусь (С. А. Лапушынскі).

Сярод прыватных прадпрымальнікаў вызначаны два месцы: першае – ПУП “Сілком” (Я. Л. Врублеўскі) і другое — ПГПУП “Стыліус” ( І. У. Рыванкоў).

Пераможцы і прызёры агляду-конкурсу ўзнагароджаны каштоўнымі падарункамі і Падзячнымі пісьмамі старшыні раённага выканаўчага камітэта.

Улічваючы шэраг абставін, арганізацыйны камітэт унёс дапаўненне ва ўмовы агляду-конкурсу і ўстанавіў “Гран-пры”. Яго ўладальнікам стала   ўнітарнае прадпрыемства “Жыллёва-камунальная гаспадарка Пастаўскага раёна” ( І. Г. Глушонак). Так адзначана праца калектыву, які шмат зрабіў па святочным убранні горада і асабліва парадаваў навагодняй прыгажуняй-ёлкай.

Пастараліся і АБП “Рассвет Пастаўскі”, прад­прыемства меліярацыйных сістэм, лясгас, СШ №3, гімназія, “Паставырайгаз”, цэнтральная раённая бібліятэка, Дом рамёстваў “Стары млын”, цэнтр банкаўскіх паслуг №230, дзіцячы сад “Спадарожнік”, участак “Энергазбыту”, прыватныя магазіны “Мегабуд”, “Гарбузік”, “Космас”, “Ладушкі”, цырульная “Шалунья” і іншыя.

Пасля цырымоніі ўзнагароджання Ю. М. Кісялёў ад імя старшыні райвыканкама яшчэ раз падзякаваў усім калектывам і жыхарам, якія не пашкадавалі сродкаў, праявілі шмат фантазіі для таго, каб  горад выглядаў па-сапраўднаму святочным, выклікаў у людзей радасныя эмоцыі і пазітыўны настрой.

На здымку: пасля цырымоніі ўзнагароджання.

Тэкст і фота Пятра КУРЫЛОВІЧА.