Чем порадовал в этом году райпотребсоюз?

брыгадзір змены Ніна Гушча (у цэнтры) з кандытарамі Аленай Малько, Зояй Лапун, Галінай Каралёнак, майстрам-кандытарам Аленай Пузан, Таццянай Цыунель і Фаінай Рамановіч.

Сёлета парадавала  пакупнікоў раённае спажывецкае таварыства. Пасля рэканструкцыі і капітальных рамонтаў адчыніліся дзверы магазінаў “Родны кут” у пятым гарадку і гарадскім пасёлку Варапаева, а таксама ў вёсцы Лучай і гарадскім пасёлку Лынтупы, новы кандытарскі цэх у райцэнтры.

Шмат клопатаў у кааператараў, асабліва ў кандытараў філіяла “Каапгандаль №2 раённага спажывецкага таварыства”, па падрыхтоўцы да Новага года. Напружана працуюць міні-цэхі магазінаў “Цэнтральны”, “Юбілейны”, кафэ “Вясна” ў гарадскім пасёлку Варапаева. У новым кандытарскім цэху перайшлі на трохзменны рэжым работы. За непрацяглы час яго прадукцыя — а гэта каля 70 відаў тартоў, рулетаў, пірожаных, пячэння і іншых  вырабаў — прыйшлася даспадобы не толькі жыхарам нашага, але і іншых раёнаў вобласці.

У новую вытворчасць укладзена паўтара мільярда рублёў. Сродкі затрачаны як на рамонт, так і на набыццё найноўшага абсталявання вядомых вытворцаў Расіі, Італіі, Германіі, Бельгіі і Францыі. Укараненне новых тэхналогій, прыгатаванне пясочнага, бісквітнага і дражджавога цеста і напаўняльнікаў на аснове натуральных прадуктаў забяспечваюць высокую якасць вырабаў.

Асаблівы попыт на тарты. У цэхах райспажыўтаварыства цяпер асвоены выраб 25 іх назваў.  І калі ў канцы снежня мінулага года і пачатку сту­дзеня гэтага было прыгатавана паўтары тоны ўласнай салодкай прадукцыі (астатнюю прывозілі са сталіцы і іншых месцаў), то сёлата будзе ў два разы больш. Акрамя таго, спецыяльна для дзяцей, камплектавання навагодніх падарункаў пашырана выпечка коржыкаў і бісквітаў у выглядзе звяркоў, казачных персанажаў. Яна стане не толькі ўпрыгажэннем святочных сталоў, але і парадуе ласуноў.

Тэкст і фота Пятра КУРЫЛОВІЧА.