З прафесійным святам!

Паважаныя работнікі

сістэмы аховы здароўя Пастаўшчыны!

Сардэчна віншую вас з прафесійным святам — Днём медыцынскіх работнікаў!

Ваша прафесія не толькі самая неабходная і ганаровая, але і адна з найбольш складаных. Выбіраючы медыцыну, вы ўскладаеце на сябе адказнасць за чужыя жыцці. Да вас ідуць людзі з надзеяй на вылячэнне, разуменне і спагаду. Вы пастаянна ў вучобе, авалодваеце новай сучаснай апаратурай і новымі метадамі лячэння.

Менавіта ад вас сёння ў велізарнай ступені залежыць паспяховае выкананне маштабнай агульнадзяржаўнай праграмы дэмаграфічнай бяспекі, і ў першую чаргу па такіх кірунках, як павелічэнне працягласці жыцця, зніжэнне ўзроўню смяротнасці і небяспечных захворванняў.

Радуе, што медыцынскія работнікі Пастаўшчыны на належным узроўні выконваюць свае прафесійныя абавязкі. Выказваю вам вялікую павагу і ўдзячнасць за вашу чуласць і прафесіяналізм, штодзённую гуманную працу, гатоўнасць у любую хвіліну прыйсці на дапамогу людзям. Жадаю вам і вашым сем’ям здароўя, аптымізму, шчасця.

В. ГУТАРАЎ, старшыня раённага

выканаўчага камітэта.   

Віншуем!

За шматгадовую добрасумленную працу ў сістэме аховы здароўя, прафесіяналізм, вялікі асабісты ўклад у справу па аказанні медыцынскай дапамогі насельніцтву раёна і ў сувязі з Днём медыцынскага работніка Ганаровай граматай раённага выканаўчага камітэта ўзнагароджаны ЛУК’ЯНАЎ Павел Ерамеевіч, урач-тэрапеўт (загадчык) тэрапеўтычнага аддзялення стацыянара Пастаўскай цэнтральнай раённай бальніцы.

Падзяка старшыні раённага выканаўчага камітэта аб’яўлена КАЗМЯНУ Сяргею Антонавічу, намесніку галоўнага ўрача па медыцынскай экспертызе і рэабілітацыі ўстановы аховы здароўя “Абласны дзіцячы рэабілітацыйны аздараўленчы цэнтр “Ветразь”.

* * *

За шматгадовую плённую працу ў органах дзяржаўнага кіравання, значны асабісты ўклад у сацыяльна-эканамічнае развіццё Пастаўскага раёна і актыўны ўдзел у грамадскім жыцці Ганаровымі граматамі Віцебскага абласнога выканаўчага камітэта і Пастаўскага раённага выканаўчага камітэта ўзнагароджаны КОВАЛЬ Мікалай Рыгоравіч, намеснік старшыні Пастаўскага раённага выканаўчага камітэта.