Замежныя калектывы-удзельнікі міжнароднага фестывалю «Звіняць цымбалы і гармонік»

Вакальны ансамбль “Таміку” Йыхвіскай воласці

ЭСТОНІЯ

Вакальны ансамбль “Таміку” Йыхвіскай воласці

Кіраўнік – Ану Вільдак

Ансамбль “Таміку” аб’ядноўвае ўжо 16 год мужчын і жанчын, якія пры ўсёй сваёй занятасці працай і сямейнымі клопатамі знаходзяць час, каб займацца спевамі на радасць сабе і ўдзячным слухачам. Рэпертуар калектыву складаюць класічныя творы і народныя эстонскія песні. Ансамбль паспяхова выступаў на шматлікіх святах і фестывалях як у роднай Эстоніі, так і за мяжой. Вакалісты пастаянна ўдасканальваюць сваё выканальніцкае майстэрства, запісалі тры музычныя альбомы.

УКРАІНА

Народны ансамбль песні “Берагіня”

Херсонскага абласнога Палаца культуры

Кіраўнік – Мікалай Лагвіноўскі

Народны ансамбль песні “Берагіня” Херсонскага абласнога Палаца культуры

Народны ансамбль песні “Берагіня” Херсонскага абласнога Палаца культуры быў створаны ў 1996г. У 2001г. за значны ўклад  у справу зберажэння народных традыцый, развіццё народнай культуры і высокі выканальніцкі ўзровень калектыў атрымаў ганаровае званне “народны”. У яго рэпертуары  —  аўтэнтычны фальклор, украінскія народныя песні, аўтарскія творы.

Ансамбль з’яўляецца лаўрэатам і дыпламантам шматлікіх абласных, усеўкраінскіх і міжнародных конкурсаў і фестываляў, вядзе актыўную канцэртную дзейнасць, выязджаў з канцэртамі ў Расію і Польшчу. У 2014г. на Міжнародным фестывалі “Сарочынскі ярмарак” стаў уладальнікам Гран-пры.

Кіраўнік Мікалай Андрэевіч Лагвіноўскі, адданы сваёй справе таленавіты музыкант і ўважлівы настаўнік, прафесійна ставіцца да ўдасканалення выканальніцкага майстэрства песеннага калектыву.

РАСІЯ

Квартэт балалаечнікаў “Sitenno” Дома культуры “Пушкіна”,

г. Пушкіна Маскоўскай вобласці

Квартэт, з незвычайнай назвай “Sitenno”, што азначае па-японску “Чатыры класных хлопца”,  створаны ў 2013г., адрадзіўшы традыцыі калектыву такога ж складу, які існаваў ў канцы ХІХ ст. пад кіраўніцтвам славутага балалаечніка-віртуоза В. В. Андрэева. Яго крэда – дастойна прадставіць гэты інструмент, раскрываючы па-новаму яго магчымасцямі вядомыя музычныя вобразы, надаць асаблівы каларыт класічным і эстрадным творам. Сюрпрызам для слухачоў з’яўляюцца выкарыстанне ў ансамблі шумавых інструментаў, арыгінальных пілы са смыкам, “трубы” і іншага, што дапамагае разнастайна ўпрыгожыць выкананне.

Музычны калектыў паспяхова выступаў у розных гарадах і рэгіёнах Расіі, у якасці спецыяльнага госця ўдзельнічаў у шматлікіх фестывалях і конкурсах. У 2013г. квартэт балалаечнікаў стаў лаўрэатам першай прэміі Усерасійскага конкурсу аркестраў і ансамбляў імя М. М. Калініна у Санкт-Пецярбургу.

ЛІТВА

Дуэт гарманістаў Малетайскага цэнтра культуры

Мастацкі кіраўнік – Юозас Кестуціс Кузміцкас

Дуэт гарманістаў Малецкага цэнтра культуры

Дуэт гарманістаў цэнтра культуры г. Малетай існуе ўжо 30 гадоў. Мастацкі кіраўнік — Юозас Кестуціс Кузміцкас. Дуэт актыўна папулярызуе народную музычную  культуру Літвы, з’яўляецца лаўрэатам рэспубліканскіх і міжнародных конкурсаў, выступаў на канцэртных пляцоўках Беларусі, Германіі, Польшчы, Расіі, Украіны, Францыі, Эстоніі. У 2012-2013 гг. гарманісты прадстаўлялі Літву на Міжнародным фестывалі мастацтваў “Зоры над Дняпром”, які праводзіцца ў Беларусі — г. Рагачове.

Кіраўнік  — таленавіты музыкант Юозас Кестуціс Кузміцкас з’яўляецца ініцыятарам правядзення ў г. Малетай Міжнароднага свята народнай музыкі “Дуэты гарманістаў”. Гэта культурная імпрэза збірае аматараў народнай музыкі з многіх краін свету.

ЛАТВІЯ

Ансамбль народных музычных інструментаў “Узулені”

Азалмуйжскай воласці Рэзэкнянскага края

Кіраўнік – Марыя Андзіна

Рэпертуар ансамбля грунтуецца на латгальскім і латышскім музычным фальклоры, старадаўніх песнях. Музыканты імкнуцца зберагаць традыцыі выканальніцтва на народных інструментах і перадаваць іх сваім паслядоўнікам. Кіраўнік — Марыя Андзіна.

Калектыў актыўна ўдзельнічае ў конкурсах і фестывалях  народнай музыкі, песні і танца ў Латвіі. Выязджаў у Бельгію, Літву, Чэхію, Эстонію і іншыя краіны.  Значнай падзеяй у жыцці ансамбля стала запрашэнне на Міжнародны фестываль фальклору “Baltica”. Апты­містычны настрой і гарэзлівасць удзельнікаў калектыву ніколі не па­кідаюць абыякавымі гледачоў.

 РАСІЯ

Тэатр песні і танца Смаленскага дзяржаўнага інстытута мастацтваў

Хармайстар – Тамара Чарняева,

балетмайстры – Раман Дасюкоў, Любоў Дарафеева

Тэатр песні і танца створаны ў 1991г. з ліку студэнтаў факультэта мастацтваў інстытута. У рэпертуары гэтага яркага і самабытнага калектыву – песні і танцы многіх народаў неабсяжнай  Расіі, але асноўны напрамак яго творчасці – рускія песні і танцы з іх багатым каларытам і рэгіянальнымі асаблівасцямі.

Маладыя смаляны паказалі сваё майстэрства на розных усерасійскіх і міжнародных конкурсах і фестывалях. Студэнцкі калектыў – лаўрэат  фестывалю “Салют Перамогі” у г. Уладзіміры, лаўрэат І ступені рэгіянальнага фестывалю-конкурсу “Зберагаем спадчыну Расіі” у г. Арле, уладальнік Гран-пры ХІ Міжнароднага фестывалю-конкурсу “Квітка на камені” у г. Камянец-Падольскі ва Укране. З вялікім поспехам  тэатр песні і танца выступаў у Бельгіі, Галандыі, Германіі, Іспаніі, Італіі, Польшчы, Францыі. Калектыў атрымаў І месца на VІ міжнародным конкурсе выканаўцаў народнай песні і танца ў Германіі, званне лаўрэта  міжнароднага фальклорнага фестывалю ў Балгарыі, Гран-пры  ХХХІІ-га міжнароднага фестывалю фальклору ў Італіі.

Штогод ансамбль дае больш за 60 канцэртаў на сваёй радзіме, сярод якіх нямала шэфскіх. Калектыў узнагароджаны Прэміяй Цэнтральнага Федэральнага округа ў галіне літаратуры і мастацтва ў намінацыі “За зберажэнне і развіццё народнай творчасці”.