У Беларусі з'явіўся новы канвівіюм Slow Food пад назвай FALVARAK

На здымку, злева направа: маці - Алена Альхімовіч, дочкі Яўгенія, Валянціна, Ірына. Смаргонь, 1930-я гады.

Вельмі цікавы здымак знайшоўся на польскім інтэрнэт-рэсурсе: цукерня і кавярня ў Гродна. Дата невядомая.

Нядаўна ў Мінску прайшла невялікая прэзентацыя новага канвівіюма (мясцовай арганізацыі) Slow Food пад назвай FALVARAK. Яго арганізатарамі сталі крама фермерскіх прадуктаў ЭкаЕжа і кулінарны праект ?ORNY, які займаецца вывучэннем і аднаўленнем традыцыі беларускага хлебу.

Slow Food – гэта міжнародная арганізацыя, якая паўстала ў Італіі ў 1989 годзе. Яна стала адказам на ідэю fast food, якія разбураюць мясцовую гастранамічную традацыю, а разам з ёй і натуральны лад жыцця.

Сёння арганізацыя лучыць дробных мясцовых вытворцаў-штукароў, навукоўцаў, студэнтаў, эколагаў – агулам амаль 100 000 чалавек. Slow Food прадстаўлены ў 150 краінах свету, дзе людзі яднаюцца ў харчовыя (вытворчыя) суполкі і канвівіюмы. Усе яны вераць, што праз змены ў стаўленні да ежы можна змяніць цэлы свет.

Асноўнае: ежа мусіць быць смачнай, чыстай і праўдзівай. Гастранамічнае задавальненне нельга адасабляць ад адказнасці, павагі да прыроды і справедлівай кампенсацыі працы вытворцыў.

Нажаль, сёння ежа для нас страціла сваю каштоўнасць і захавала толькі цану. Якаснае харчаванне стала ўласцівасцю высокага статусу ў грамадстве. Сёння варта даводзіць культурнае значэнне прадуктаў, важнасць іх паходжання, ролі вытворцы і спосабаў вытворчасці. Гэта адбываецца на шматлікіх мерапрыемствах і сустрэчах, якія ладзяць слоў-фудысты па ўсім свеце: гэта і супольныя прасмотры тэматычных кінастужак, і фермерскія рынкі, і сэнсарная адукацыя дзетак, і праграммы“выхавання” смаку. Працуюць адмысловыя праекты, мэтай якіх есць выяўленне адметных, часцяком напаўзабытых прадуктаў і падтрыманне тых дробных вытворцаў, якія імкнуцца іх аднавіць.

У 2004 годзе Slow Food стаў адным з заснавальнікаў Універсітэту Гастранамічных Навук.

У Беларусі існуюць ўжо 4 канвівіюмы: Мінск, Бяроза, Расоны, FALVARAK.

Адна з першых ініцыятыў канвівіюму FALVARAK – гэта стварэнне фотагалерэі беларускіх штукароў -- пекараў, цукернікаў, млынароў -- канца ХІХ – першай паловы ХХ стст. Напэўна, у кагосці з вас сярод продкаў былі пекары альбо млынары і ў сяменых альбомах знойдуцца іхныя старыя фотаздымкі. За працай альбо з сям'ёй альбо студыйны партрэт - усё гэта каштоўныя знаходкі, якімі можна падзяліцца!

Напрыклад, адным з першых у галерэі стаў фотаздымак пякарні сям’і Альхімовіч са Смаргоні (“Слава абаранкаў са Смургоняў”, http://www.rh.by/by/33/120/332/).

Просім вас, панове, узяць удзел у ініцыятыве. Дасылайце калі ласка копіі здымкаў з каментарамі (імёны, даты, назвы месцаў) у рэдакцыю, і яны будуць пераданыя арганізатарам. Дзякуй!

Даслаў Alie? Pry?yva?ka