1 верасня ў Глыбокім пачне працаваць офіс урача агульнай практыкі

Урачы агульнай практыкі будуць абслугоўваць чатыры гарадскія ўчасткі – №№2, 3, 4, 5. Яны прайшлі належную падрыхтоўку і змогуць аказваць не толькі тэрапеўтычную, але і неўралагічную, афтальмалагічную дапамогу, лячыць ЛОР-захворванні.

Як паведамляе сайт газеты "Веснік Глыбоччыны", офіс размяшчаецца па вуліцы 17 Верасня, д. 5а-2 (у будынку былога АВІРа – аддзела віз і рэгістрацыі).

Улічваючы, што на згаданых вышэй участках пражываюць у большасці пажылыя людзі, для зручнасці ў офісе яны змогуць здаць аналіз крыві для правядзення лабараторнай дыягностыкі, мачы, выканаць электракардыяграфію, тут можа быць праведзена лячэнне ва ўмовах дзённага стацыянара. Ёсць таксама магчымасць правесці лабараторнае даследаванне крыві пацыентаў метадам ІФА: на анкамаркеры, у тым ліку малочнай залозы і яечнікаў у жанчын, прастаты ў мужчын, а таксама рака падстраўнікавай залозы, страўніка, печані; на выяўленне алергічных захворванняў па 20 пазіцыях; вызначэнне гармонаў шчытападобнай залозы.

Участак №2 (урач-тэрапеўт Іна Аляксандраўна Хахолка, медсястра Жанна Фёдараўна Заяц): вуліцы 17 Верасня, Вольная, Зялёная, Камуністычная, Камсамольская, Міра, Маладзёжная, Астроўскага, Піянерская, Радужная, Савецкая да дома №46, завулкі Горкага, Астроўскага, 1-ы Савецкі, 2-і Савецкі.

Участак №3 (урач-тэрапеўт Алена Уладзіміраўна Васілевіч, медсястра Ангеліна Вітальеўна Пушкель): вуліцы Буйніцкага, Усходняя, Горкага, Загарадная, Зарэчная, Каралёва, Лясная, Ламаносава, Мінская, Народная, Пралетарская, Пушкіна, Сацыялістычная, Суворава, Юбілейная, Паўднёвая, завулкі Ламаносава, Пушкіна, Сацыялістычны, вёскі Арэхаўна і Станулі.

Участак №4 (урач-тэрапеўт Таццяна Міхайлаўна Шылько, медсястра Наталля Вадзімаўна Фенчанка): вуліцы Кашавога, Купалы, Садовая, Вясенняя, Кірава пасля дома №40, Камарова, Маякоўскага, Някрасава, Кастрычніцкая, Першамайская, Шакаладавай, завулкі 1-ы Купалы, 2-і Купалы, Садовы, Кірава.

Участак №5 (урач-тэрапеўт Алена Арсеньеўна Леановіч, медсястра Таццяна Браніславаўна Шкоднік): вуліцы Дзяржынскага, Чыгуначная, Заходняя, Калініна, Кіма, Кірава да дома №40, Коласа, Лермантава, Мельнічная, Маскоўская, Нікалаева, Прамысловая, Энергетыкаў, Ясная, Шпітальная, завулкі Чыгуначны, Калініна, Коласа, Лермантава.

Графік работы з 1 верасня гэтага года можна ўдакладніць па тэлефоне 5-18-22 ці ў рэгістратуры Глыбоцкай ЦРБ па нумары 2-94-30.

Паводле сайта газеты "Веснік Глыбоччыны"