У Глыбокім знайшлі гранату часоў Другой сусветнай вайны

Непадалёк ад возера Падлазнае жанчына, гуляючы з сабакам, знайшла старую гранату. Небяспечны прадмет яна не кранула, а патэлефанавала ў дзяжурную частку Глыбоцкага РАУС. Праз 10 хвілін на месца прыбылі супрацоўнікі міліцыі. Яны пераканаліся ў тым, што гэта сапраўды граната і выставілі нарад, які ахоўваў знаходку да прыезду сапёраў.

Як па ланцужку аб небяспечнай знаходцы міліцыянты паведамілі ваеннаму камісару Глыбоцкага райваенкамата Сяргею Краснадубскаму , які ў сваю чаргу стэлефанаваўся з сапёрна - піратэхнічнай групай вайсковай часці 5530, якая знаходзіцца ў Полацку. Супрацоўнікі міліцыі не пакідалі свой пост ўсю ноч, і раніцай прыбылі сапёры. Старэйшы групы Андрэй Тараскевіч распавёў пра гранату:

- Нямецкая супрацьпяхотная граната без капсуля - дэтанатара! Мы вывезем яе на палігон і знішчым - патрабаванне інструкцыі, тым больш, у «шклянцы» усё яшчэ знаходзіцца траціл - ўзываапаснае рэчыва, якое не псуецца з часам і не раскладаецца пад уздзеяннем вады і падвышанай вільготнасці.

На гэтым гісторыя з чарговым боепрыпасаў, знойдзеных на Глыбоцкай зямлі, магла б быць скончана, але варта адзначыць адзін факт: граната знаходзілася ў месцах з горкай гістарычнай памяццю. Вядома, што ў Беразвеччы ў гады вайны дзейнічаў лагер смерці, дзе былі забіты многія тысячы чалавек. Знойдзеная граната, хутчэй за ўсё, належыць да тыпу Varsikranaati М-32/М-41. Падчас Другой Сусветнай вайны яна стаяла на ўзбраенні фінскай арміі . Магчыма, таксама, што гэта германская граната М -24 , якая знешне падобная на фінскі аналаг. Адметная асаблівасць М-32/М4-1 - прываранае да корпуса вушка, якое выкарыстоўвалася для пераноскі гранаты на поясе. Такім чынам, можна выказаць здагадку, а лепш прадставіць той дзень, калі гэтая граната не выбухнула.

- Менавіта таму не рэкамендуецца падазроныя прадметы чапаць, падымаць з зямлі, - кажа ваенны камісар Аляксандр Краснадубскі. - Неабходна патэлефанаваць у дзяжурную частку міліцыі па нумары 102 або паведаміць дзяжурнаму райваенкамата па тэлефоне 2-14-34 і заставацца на месцы да прыбыцця міліцыі.