“На струнах сэрца”: песні і вершы таленавітых касцюкаўчан спадабаліся ўсім

Упэўнены, што ніхто з тых, хто прыйшоў на раённы конкурс аўтарскай песні “На струнах сэрца” 27 сакавіка ў раённы Цэнтр культуры не застаўся разачараваным. Высокі ўзровень выканаўцаў, разнастайныя творы (песні, вершы), сапраўдная падтрымка глядачамі артыстаў. Усе сматрэлася на адным дыханні. К таму ж амаль усё, што мы чулі і бачылі было створана нашымі артыстамі: сваё, роднае.

12 касцюкаўчан рознага ўзросту на працягу некалькіх гадзін змагаліся за перамогу у намінацыях: аўтар музыкі, слоў да песні, лепшы выканаўца песні і г.д. Жорстка, але справядліва удзельнікаў конкурсу судзіла кампетэнтнае журы на чале з начальнікам аддзела культуры райвыканкама Н. А. Тыманюком.

Усе ўдзельнікі былі ўзнагароджаны падарункамі і дыпломамі. Гран-Пры, як лепшы выканаўца ўласнай песні, атрымаў (ужо не першы раз!) Віталь Анжанкоў. Вельмі спадабаліся слухачам песні ў выкананні Арцема Парфененкі (1-е месца). Дуэт “Цуда-раніца” цудоўным чынам ператварыўся ў трыа, але якасць выканаўцаў не стала ніжэй.

Добрыя вершы чыталі Наталля Дыроўская і Мікалай Асмалоўскі. Першае месца, як лепшаму выканаўцу дасталося і Артуру Міроненка. Таксама ў ліку прызёраў: А. Гоманаў і А. Аношанка.

Як таленавітыя аўтары слоў і музыкі былі узнагароджаны: Н. Азаранка, Н. Дробышава, Д. Леаненка, С. Тумаланава, Т. Мелешчанка, У. Капаеў.

Вельмі шкада, што у зале заставаліся сабодныя месцы. Мерапрыемства было цудоўным. Вялікі дзякуй арганізатарам!

P.S. Дарэчы, мерапрыемства было прысвечана памяці У. Высоцкага, які,як сказаў адзін з вядучых конкурсу, і пеў і жыў аднолькава: у поўнаю моц.

Ігар Кавалёў

Здымкі аўтара