Другі збор у Турцыі ўступіў у заключную фазу

Ну а пачалі сваю спарынг-праграму аўтазаводцы матчамі з “Вэнтспілсам”. Спачатку адносіны паміж сабой высвятлялі першыя склады каманд У “Тарпеда- БелАЗ” выйшлі наступныя футбалісты: Чэсноўскі, Казлоў, Чэлядзінскі, Чэрэднічэнка, Панкавец, Шчэгрыковіч, Лявіцкі, Васькоў, Глеб, Сучкоў, Дзм. Платонаў. Сустрэча прайшла з яўнай перавагай жодзінцаў, але, як гэта часта бывае, лік адкрылі прыбалты з-за памылкі нашых землякоў. А вось аўтазаводцы да перапынку забілі двойчы, але галы не былі залічаны арбітрам, стрэл жа Сучкова прыняла на сябе перакладзіна. У другім тайме ўсё ж Дзмітрый Платонаў, скарыстаўшыся прастрэлам Сучкова, галавой дакладна накіраваў мяч у вароты.

Не выявілі пераможцу і другія нумары. На гэты раз Ігар Крыушэнка выставіў наступны склад: Сцяпанаў, Мендзі, Пракопчык, Каршакевіч, Ерхан, Селява, Шыдлоўскі, Яцкевіч, Гомза, Ігнаценка, Васкабойнікаў. У матчы было зашмат адзінаборстваў і парушэнняў, а вось камбінацыйная гульня не атрымлівалася.

У першы вясенні дзень жодзінцы сустрэліся з ніжнякамскім “Нафтахімікам”. Да гэтага часу ў складзе тарпедаўцаў з’явіліся два патэнцыяльныя навічкі – добра знаёмы па выступленнях за барысаўскі БАТЭ правы абаронца Анры Хагуш (1986 г.н.) і іспанскі нападаючы Бледа Радрыгес (1990 г.н.), які з’яўляецца выхаванцам клуба “Левантэ”. Наш трэнерскі штаб праверыў у справе ўсіх гульцоў: Чэсноўскі (46, Сцяпанаў), Казлоў (46, Хагуш), Чэлядзінскі (46, Чэрэднічэнка), Каршакевіч (46, Пракопчык), Панкавец (46, Ерхан), Мендзі (46, Селява), Яцкевіч (46, Васькоў), Ігнаценка (46, Сучкоў), Глеб (46, Лявіцкі), Платонаў (46, Шчэгрыковіч), Васкабойнікаў (46, Бледа Радрыгес). Яго вынік падвёў Ігар Крыушэнка: “Мы правялі добры спарынг з годнай камандай. Хацелася ўбачыць больш канструкцыйную гульню ў атацы. Пакуль тут праблемы – і гэта мінус, а вось тое, што не далі саперніку практычна нічога стварыць у сваіх варот – гэта плюс”.

Ну а тым часам стаў вядомы кошт квіткоў на сезон 2013 года на матчы “Тарпеда-БелАЗ”: на заходнюю трыбуну – 20 тыс. рублёў, за ўсходнюю – 15 тыс., дзіцячы – 10 тыс. рублёў. Паступілі ў продаж і абанементы.

А ў панядзелак 11 сакавіка ў ДК БелАЗа адбудзецца традыцыйная сустрэча з прыхільнікамі каманды. Пачатак а 18 гадзіне, уваход свабодны.

Сяргей Пузанкевіч

При использовании материалов с сайта ссылка на источник www.zhodinonews.by обязательна!