Ніхто не жадаў саступаць

“Тарпеда-БелАЗ”: Чэсноўскі, Чэлядзінскі, Яраслаўскі, Ланько (65 хв., Васькоў), Вяргейчык (61 хв., Яцкевіч), Шчэгрыковіч (83 хв., Рэкіш), Салавей, Казлоў, Каршакевіч, Карповіч, Хлебасолаў.

На жаль, тры паражэнні аўтазаводцаў запар зрабілі сваю чорную справу, і ў Дзень ведаў на стадыён “Тарпеда” прыйшло, нават па жодзінскіх мерках, няшмат гледачоў. Але, я спадзяюся, яны не пашкадавалі, што прыйшлі падтрымаць сваю каманду, і атрымалi станоўчыя эмоцыі. А паглядзець было на што. Толькі аб гэтым крыху пазней. У які ўжо раз наш трэнерскі штаб разважаў пра стартавы склад. З-за траўм і дыскваліфікацый прыйшлося абыходзіцца без Дземідовіча, Рабцава і Мендзі. Асаблівую патэнцыяльную небяспеку несла адсутнасць нашага сенегальскага легіянера.

Першы тайм аказаўся вельмі скупым на галявыя моманты. І калі нагадаць табліцу чэмпіянату, то шмат что становіцца зразумелым. На старце трэцяга круга саперніки з’яўляюцца суседзямі, іх раздзяляе ўсяго адзін бал і яны займаюць восьмы і дзявяты радок. Таму перамога ставіла адну з каманд у вельмі небяспечнае становішча. Вось на гэтай падставе абодва калектывы дэманстравалі асцярожны футбол.

І што яшчэ кідалася ў вочы: аўтазаводцы амаль без перашкод аддалі ініцыятыву бабруйчанам. Праўда, улічваючы, што гульня першым нумарам не з’яўляецца козырам тарпедаўцаў, нічога дрэннага ў гэтым не было. Найбольш небяспечны момант ля ўладанняў Чэсноўскага належыў паўабаронцу гасцей Турліну. На радасць жодзінцаў удар аказаўся недакладным. А вось у выкананні нашых землякоў і ўспомніць нешта вострае цяжка. Не прынеслі поспеху і розыгрышы стандартаў.

Пасля такой шэрай гульні ў першай палове вельмі нечакана пасля перапынку футбалісты парадавалі і галамі, і момантамі. Першымі вызначыліся госці. Іх мазгавы цэнтр Віталь Булыга вырашыўся на ўдар метраў з 25-30, і Чэсноўскі не здолеў ліквідаваць пагрозу. Прапушчаны мяч, можна сказаць, абудзіў тарпедаўцаў. За дзесяць хвілін яны не толькі выраўнавалі лік, але і выйшлі наперад. І ў абодвух эпізодах адну з галоўных роляў згуляў Яраслаўскі. Спачатку наш абаронца добра падаў вуглавы, і Валерый Каршакевіч пераправіў мяч у сетку. А потым ужо сам Вячаслаў, падабраўшы прадмет гульні на фланзе, змясціўся ў цэнтр і “стрэліў” дзесьці з пазіцыі Булыгі. Але як хутка ўдалося павесці ў ліку, так і хутка дазволілі шыннікам забіць другі раз. Прастрэл з правага фланга выкарыстаў Коўб, якi выйшаў на замену. Пасля гэтага каманды не супакоіліся і працягвалі шукаць шчасця ля варот саперніка. Толькі, мабыць, у глыбіні душы ўжо задумаліся аб захаванні нічыёй.

У выніку так і адбылося. Дарэчы, на прэс-канферэнцыі абодва настаўнікі адзначылі, што лік з’яўляецца справяд-лівым вынікам.

Цяпер у чэмпіянаце з-за матчаў зборных пачынаецца двухтыднёвы перапынак. А наступную гульню “Тарпеда-БелАЗ” правядзе 15 верасня (субота) у Барысаве супраць мясцовага БАТЭ.

Сяргей Пузанкевіч