Новы куратар па фальсыфікацыі выбараў на Салігоршчыне

Старшыня Салігорскага раённага выканаўчага камітэту Аляксандар Рымашэўскі прызначыў сабе новага намесьніка па сацыяльных пытаннях і ідэалягічнай рабоце. Ім стаў былы начальнік Аддзела адукацыі райвыканкама Мікалай Масквевіч, які зьмяніў на гэтай пасадзе цяпер ужо былого галоўнага ідэоляга раёну Анатоля Казакевіча. Варта адзначыць, што традыцыйна ідэалягічная вэртыкаль  у створанай рэжымам Аляксандра Лукашэнкі палітычнай сыстэме нясе на сабе ўвесь цяжар па фальсыфікацыі выбараў усіх узроўняў. Папярэднік Мікалая Маскевіча спадар Казакевіч выконваў сваю палітычную функцыю амаль бездакорна. Хіба адзінай прамашкай ў ягонай "кар'еры" былі прэзыдэнцкія выбары 2006 году, калі на Салігоршчыне толькі аднаму з трох альтэрнатыўных кандыдатаў Аляксандру Мілінкевічу афіцыйна намалявалі 16% галасоў пры "дазволеных" 6% па ўсёй рэспубліцы. У астатнім  былі ідэоляг быў непахісны. Старшыня Аб'яднанай грамадзянскай партыі Анатоль Лябедзька так апісваў свае ўражанні ад судовага працэсу "АГП супраць Салігорскага райвыканкаму": - Тое, што Канстытуцыя – гэта дыванок, пра які па чарзе ў Салігорску выцерлі ногі і пракурор, і судзьдзя, гэта усталяваны факт. І больш за ўсіх па Асноўнаму закону краіны патаптаўся туфлямі намеснік старшыні райвыканкама Анатоль Казакевіч... Казакевіч можа планаваць любыя лічбы выніковага пратаколу па выбарчым участку. Безумоўна, новапрызначаны на "ганаровую" пасаду Мікалай Маскевіч таксама ня лыкам шыты. У свой час ён на ўсю краіну праславіўся, як асноўны ініцыятар па выключээньню са школы аднаго зь лідэраў Маладога Фронту Івана Шылы. Да таго ж досьвед фальсыфікацый выбараў былому начальніку Аддзела адукацыі таксама выдатна знаёмы, бо менавіта яго падначаленыя - а гэта настаўнікі ўсіх салігорскіх школ - зьяўляюцца асноўнымі выканаўцамі гэтай бруднай працы. Біяграфічна даведка:

Маскевіч Мікалай Іванавіч нарадзіўся 11 студзеня 1956 ў вёсцы Сітніца Берасьцейскай вобласьці. У 1980 годзе скончыў Менскі пэдагагічны інстытут імя М.Горкага. Працаваў дырэктарам Ананчыцкай сярэдняй школы Салігорскага раёна, начальнікам аддзела адукацыі Салігорскага райвыканкама.
Аддзе навін САЛІГОРСК.org