«Ты што, не мужык?» Жанчына-каваль і настаўнік пачатковых класаў расказалі ў Маладзечне пра гендарныя стэрэатыпы

19 кастрычніка ў Маладзечне адбылася сустрэча «Разбураем гендарныя стэрэатыпы». Яе арганізавала Маладзечанская філія Беларускай асацыяцыі журналістаў.

На сустрэчы выступілі адзіная ў Беларусі жанчына-каваль Аксана Кірылюк з Маладзечна і настаўнік пачатковых класаў Чысцінскай школы Юры Сенкевіч. Сустрэчу мадэравала старшыня Маладзечанскай філіі БАЖ Зоя Хруцкая.

Аксана Кірылюк і Юры Сенкевіч

Як сям’я адрэагавала на выбар прафесіі

Кірылюк: Да таго, як стала кавалём, я рэалізавала некалькі праектаў. Яны прыносілі добрыя грошы. Пасля інстытута ні капейкі не брала ад бацькоў, таму сама вырашала, як будаваць жыццё.

Сенкевіч: Бацька хацеў, каб я стаў афіцэрам, пайшоў у сувораўскае. Казаў, нашто мне жаночая прафесія, прамым тэкстам гаварыў: «Ты што, не мужык?»

Зоя Хруцкая

Як сутыкаліся з гендарнымі стэрэатыпамі

Сенкевіч: У беларускай сферы адукацыі 14% – мужчыны. У групе ў вучылішчы было двое хлопцаў. У школе з 90 работнікаў – пяцёра мужчын.

Некаторыя пытаюцца, што са мной не так, што я працую настаўнікам пачатковых класаў. 29 гадоў таму я пачаў займацца гэтай справай, мне мая работа падабаецца.

Працаваў настаўнікам пачатковых класаў, але марыў стаць дырэктарам. Прызначылі намеснікам па выхаваўчай рабоце, на пасадзе адпрацаваў дзевяць гадоў. Марыў пра дырэктарства, але ў гэтым мяне збілі на ўзлёце.

Кірылюк: Да мяне прыязджаюць як да майстра, пра якога ведаюць. Па першым часе некаторыя касіліся, іншыя прапаноўвалі пафарбаваць пнеўматычны молат у ружовы колер. Стэрэатыпы крыху ёсць, але мне не перашкаджаюць.

Ці існуе жаночае шчасце і чым адрозніваецца ад мужчынскага

Кірылюк: Няма ні жаночага, ні мужчынскага шчасця. Ёсць шчасце чалавека, які самарэалізаваўся, іншага проста няма.

Калі ты прачынаешся, і табе хочацца, каб дзень пачаўся, – ты шчаслівы. Табе можа быць няважна, ці ёсць у цябе сям’я. У кожнага свае крытэрыі шчасця.

Сенкевіч: У мяне няма стэрэатыпа, што жанчына павінна стаяць ля пліты. Кожны мусіць рабіць тое, што робіць яго шчаслівым.

Відэа з сустрэчы

Эмілія ХВОЯ
Фота і відэа Ігара ПАЛЫНСКАГА

Оксана Кирилюк из Молодечно – единственная в Беларуси женщина, которая трудится в кузнице

У Оксаны – диплом экономиста-международника, морские права, курсы сварщиков, конюшня, сделанная своими руками, школа бальных танцев. Читать о ней и смотреть фотографии кузницы→