Што хавае крэўская зямля?

sarabanda
Сегодня в 11:21
Што хавае крэўская зямля?

Аляксандар Камінскі (зправа) і маладыя гісторыкі каля каменя з шасціканцовым крыжом на крэўскім гарадзішчы

Ні для кога не сакрэт, што вайна - гэта не толькі людская смерць, голад, страх, галеча, але і знішчэнне гісторыі. І ў гэтай сітуацыі асобнага расповеду заслугоўвае мястэчка Крэва.
прыгадваў, што суседні археалагічны помнік, гарадзішча ў Гальшанах, за апошнія сем гадоў раскопак стаў старэйшым на 1000 год, і датуецца І стагоддзем нашай эры! Падавалася, што варта заняцца вывучэннем помнікаў археалогіі ў Крэва і чакаць новых сенсацый. Існуе вялікая верагоднасць, калі даць веры некаторым знойдзеным тут артэфактам, што ўжо ў Х стагоддзі тут віраваў гандаль. Не выключаюць навукоўцы і верагоднасць "састарыць" асобныя помнікі археалогіі да ІІ-ІІІ стагоддзяў н.э. Ізноў жа на 1000 год! Гэта пры тым, што ў навуковай літаратуры самыя старажытныя артэфакты з Крэва датуюцца XIV-XV ст.


Шасціканцовы крыж


На гарадзішчы

Вось толькі праблема ў тым, што зрабіць гэта вельмі і вельмі цяжка. Праз Крэва пад час Першай сусветнай вайны пралягала лінія фронту. Амаль уся зямля тут шматкроць перарытая салдацкімі акопамі, рвамі і варонкамі ад артылерыйскіх снарадаў. А гэта стварае часам неспрыяльныя ўмовы для археалагічнай працы, бо кожны сантыметар зямлі адказвае за свой час, перыяд, стагоддзе і культуру.



На Юр'евай гары

Вось так і атрымоўваецца, што самая дакладная гістарычная навука - археалогія, за якой заўжды апошняе слова, пакуль не можа даць адказы на нашы пытанні. Вайна нанесла непапраўную шкоду цэлым стагоддзям недаследаванай і так слаба вывучанай гісторыі аднаго з лепшых куткоў нашага краю.

Сяргей Лескець
Кraj.by