Двое грибников заблудились в лесах Пружанщины в этом сезоне

З надыходам лета людзі займаюцца ў лесе зборам ягад і грыбоў. Аднак штогод можна пачуць пра выпадкі знікнення людзей…

Хвалюючае пытанне каменціруе выконваючы абавязкі першага намесніка начальніка РАУС маёр міліцыі І.А.Амельянчук:

— Так, супрацоўнікам органаў унутраных спраў час ад часу даводзіцца займацца пошукам людзей, якія пайшлі па ягады ці грыбы і заблукалі ў лесе. У мінулым годзе ў РАУС паступіла сем такіх паведамленняў. Месцазнаходжанне людзей ва ўсіх выпадках устанаўлівалася на працягу сутак. Тры чалавекі былі пенсіённага ўзросту — 65-70 гадоў.

Сёлета мы атрымалі ўжо два такія паведамленні. Адзін са згубіўшыхся — непаўналетні, другая — 70-гадовая жыхарка Ружан. Яны самастойна выйшлі з лесу.

Хачу нагадаць, што, каб пазбегнуць непрыемнасцей, аматары збору грыбоў і ягад павінны памятаць аб правілах арыентавання на мясцовасці: напрыклад, перад уваходам у лес звяртаць увагу на знаходжанне сонца на небе, у лясных масівах каля ажыўленых трас ісці на гул машын, не забываць інфармаваць родных аб сваім маршруце, браць з сабой мабільнік…