… И деловые встречи

Фестываль — гэта не толькі конкурсныя выступленні яго ўдзельнікаў, музычна-тэатралізаваныя і іншыя прадстаўленні. Гэта яшчэ і дзелавыя сустрэчы, дамоўленасці з кіраўнікамі і членамі замежных дэлегацый, іншымі афіцыйнымі асобамі. На сёлетнім свяце народнай музыкі прысутнічалі намеснік міністра культуры Рэспублікі Беларусь Васілій Чэрнік, намеснік старшыні Віцебскага аблвыканкама Уладзімір Цярэнцьеў, кіраўнік консульства Латвійскай Рэспублікі ў Віцебску Дагнія Лацэ-Атэ.

Дэлегацыі гарадоў і раёнаў-пабрацімаў узначальвалі:  Швянчонскага – мэр Вітаўтас  Вігяліс, Шырвінцкага – мэр Вінцас Ясюкавічус, Купішскага  – мэр  Іонас Яруціс,  Рокішкскага (Літва) – намеснік дырэктара адміністрацыі самакіравання Рымантас Вялікіс, горада Рэзэкнэ (Латвія) – выканаўчы дырэктар краявога самакіравання Яніс Трошка, горада Семятычы (Польшча) – мэр Пётр Сіняковіч, горада Пушкіна – выканаўчы дырэктар саюза прадпрымальнікаў Пушкінскага раёна Данііл Бакке, горада Курска – старшыня Прадстаўнічага сходу Курскага раёна, Маскоўскай вобласці – старшыня савета Беларускай нацыянальна-культурнай аўтаноміі вобласці Аляксандр Скрыпель. У склад дэлегацый уваходзілі члены раённых саветаў, дэпутаты  самакіраванняў, бізнесмены, іншыя афіцыйныя асобы.

На прэс-канферэнцыі, якую правёў для кіраўнікоў дэлегацый і творчых калектываў старшыня раённага выканаўчага камітэта Віктар Гутараў, прысутнічалі журналісты рэспубліканскіх, абласных і раённай газеты, абласнога і раённага тэлебачання.

Кіраўнік раённай вертыкалі расказаў аб эканамічным і сацыяльным развіцці, гісторыка-архітэктурнай і культурнай спадчыне Пастаўшчыны, выказаў надзею, што фестывальныя сустрэчы дапамогуць прымножыць дзелавыя і культурныя сувязі.

Найбольшую цікавасць госці з бліжняга замежжа праявілі да прадукцыі  дрэваапрацоўчых прадпрыемстваў. У прыватнасці, дырэктар закрытага акцыянернага таварыства  “Narjanta” з горада Купішкіс Браніславас Домжа падпісаў дагавор з дырэктарам ААТ “Паставымэбля” Сяргеем Зямчонкам аб пастаўцы літоўскаму боку зрубаў з ацыліндраванага бруса для будаўніцтва кафэ. Агульны кошт “здзелкі” склаў 50 тысяч долараў ЗША.

Мэр Купішкскага раёна Іонас Яруціс даў высокую ацэнку школьнай мэблі, якая, магчыма, таксама будзе закуплена на пастаўскім прадпрыемстве для ўстаноў адукацыі гэтага літоўскага рэгіёна.

Тэкст і фота 

Пятра КУРЫЛОВІЧА.