Сколько стоит «алло»

“Напішыце, калі ласка, у газеце, якія тарыфы сёння існуюць на ўстаноўку хатніх тэлефонаў і ці ёсць скідкі на тэлефонныя перагаворы ў выхадныя і святочныя дні”, — папрасіла, пазваніўшы ў рэдакцыю, адна з пастаўчанак. За адказам на гэтыя пытанні мы звярнуліся да спецыяліста па маркетынгу Пастаўскага раённага вузла электрасувязі Аляксандра Паўлавіча ЗУБКО. І вось што ён паведаміў:

— У адпаведнасці з дзеючымі расцэнкамі, устаноўка асноўнага тэлефоннага апарата і тэлефоннага апарата з прымяненнем бесправаднога доступу абыдзецца абаненту ў 72500 рублёў, паралельнага тэлефона аднаму абаненту ў адной кватэры — у 8500 рублёў, плюс 15000 рублёў будзе каштаваць выклік манцёра. Усё гэта не адносіцца да ўдзельнікаў і ветэранаў Вялікай Айчыннай вайны, а таксама да інвалідаў вайны і Савецкай Арміі — ім тэлефоны мы ўстанаўліваем бясплатна. Калі ж абанент жадае перанесці тэлефонны апарат з аднаго месца ў іншае, за перастаноўку ў межах пакоя яму давядзецца заплаціць 23400 рублёў, у межах будынка — 48000 рублёў, за перастаноўку ў іншы будынак — 72000. І таксама ў кожным выпадку неабходна будзе аплаціць паслугі манцёра. Замена нумара па просьбе абанента ў межах адной АТС каштуе 30000 рублёў, з пераключэннем на электронную АТС — 42000 рублёў, пераафармленне абанемента — 8400 рублёў.

Што датычыць тэлефонных перагавораў, тут расцэнкі за адну мінуту наступныя: па горадзе — 21,6 рубля, па рэспубліцы — 55,2. У межах рэспублікі ў рабочыя дні з 23.00 да 6.00, а ў выхадныя і святочныя дні кругласутачна кошт адной мінуты перагавораў складае 50% ад устаноўленага тарыфу. Таксама напалову танней ад кошту тарыфу абыдуцца міжнародныя званкі, зробленыя ва ўсе дні з 23.00 да 6.00 па беларускім часе.

Падрыхтавала Алена ШАПАВАЛАВА.