Торжество по случаю Дня учителя

сярод узнагароджаных на свяце — настаўнік фізкультуры і здароўя СШ № 3 Я. П. Скрыдлеўскі, настаўніца біялогіі і хіміі СШ № 1 С. М. Громава, настаўнік геаграфіі Варапаеўскай СШ А. А. Гарны і настаўніца матэматыкі Пастаўскай гімназіі С. Я. Грыбава.

3 кастрычніка ў Паставах адбыўся ўрачысты сход, прысвечаны Дню настаўніка. У зале раённага Дома культуры прысутнічалі ветэраны працы, дырэктары, іх намеснікі і настаўнікі школ, загадчыкі і выхавальнікі дзіцячых садоў, работнікі цэнтралізаванай бухгалтэрыі і групы гаспадарчага абслугоўвання. Яны прадстаўлялі больш чым 40 устаноў адукацыі Пастаўшчыны, у якіх працуе 1340 чалавек.

Прадстаўнікоў самага вялі­кага атрада работнікаў сацыяльнай сферы віталі намеснік старшыні райвыканкама Ю. М. Кісялёў, загадчык раённага аддзела адукацыі, спорту і турызму А. Я. Кашырын, старшыня райкама прафсаюза работнікаў адукацыі і навукі Л. А. Пабядзінская. За поспехі ў навучанні і выхаванні школьнікаў, атрыманыя спартыўныя перамогі і іншыя дасягненні яны ўручылі вялікай групе педагогаў і школам Ганаровыя граматы і Падзякі раённага выканаўчага камітэта, раённага Савета дэпутатаў, ад­дзела адукацыі, спорту і турызму райвыканкама, раённага галіновага камітэта прафсаюза. Граматамі ўпраўлення адукацыі Віцебскага абласнога выканаўчага камітэта былі ўзнагароджаны дырэктар СШ №1 П. Ю. Трава, настаўнік гісторыі Лынтупскай дзіцячага сада-сярэдняй школы С. С. Васільеў, настаўніца англійскай мовы раённай гімназіі С. А. Васюковіч, настаўніца біялогіі і хіміі СШ №1 С. М. Громава. Віноўнікі ўрачыстасці атрымалі пажаданні новых асабістых набыткаў у працы, моцнага здароўя, паспяховага ажыццяўлення задач, пастаўленых на 2013/2014 навучальны год.

Перад удзельнікамі сходу з вялікай канцэртнай праграмай выступіў Нацыянальны акадэмічны народны хор Рэспублікі Беларусь імя Г. І. Цітовіча.

З прафесійным святам педагогаў Пастаўшчыны павіншаваў мастацкі кі­раўнік  хору,  лаўрэат Дзяржаўнай прэміі Рэспублікі Беларусь, народны артыст Беларусі, прафесар М. П. Дрынеўскі.

Фота Пятра КУРЫЛОВІЧА.