Ігар Пушкін: Пра беларусаў пакуль пісаць баюся. Адказнасць вялікая

З гэтых слоў 18 мая магілёўскі гісторык распачаў прэзінтацыю сваёй новай манаграфіі.
Выданне  - «Удзел нацыянальных меншасцей у грамадска-палітычным жыцці Савецкай Беларусі (1919 - 1990 гады)» - даследванне  складаных  грамадска-палітычных і  культурных працэсаў.
Фарміраванне грамадзянскай супольнасці, калабарацыя, антыфашысцкі рух на Магілёўшчыне  гісторык разглядае праз шкло нацыянальнага пытання.
Па словах Ігара Пушкіна, у савецкі час прадстаўнікі розных народаў адыгралі вялізарную ролю ў развіцці Беларусі. Пад час, нават большую, чым самі беларусы.
Але і сёння тыя падзеі ўтрымліваюць шмат стэрыятыпаў і недарэчнасцяў.  Лепшае што можна зрабіць зараз – пераасэнсаваць і прымірыцца. І найперш, гэта патрэбна нам, беларусам, грамадзянам   суверэннай  краіны.
 
Пазнаёміцца з навінкай мажліва ў гарадскіх бібліятэках
Кніга пабачыла свет у канцы  2010 года. ( выдавецтве БДУ, Мінск).  Манаграфія стала трэццяй па ліку працай Ігара Пушкіна , прысвечанай  даследванню грамадска-палітычнага  і культурнага   жыцця  прадстаўнікоў розных народаў на Беларусі.
 
Раней былі:
1. «Нацыянальныя меншасці БССР у грамадска-палітычным і культурным жыцці, 20-я гады XX ст.» (Магілёў, 2004).
2. «Нацыянальныя супольнасці Беларусі: грамадска-палітычная і культурна-асветніцкая дзейнасць (1990-2005 гг.)» (Магілёў, 2007).
Серыя з трох манаграфій з'яўляецца першым грунтоўным даследванням гэтай тэмы беларускім навукоўцам.
 
Даведка:

Магілёўскі гісторык Ігар Пушкін, архіўнае фотаІгар Пушкін (нарадзіўся 22.05.1964 у Оршы) - гісторык,
краязнаўца. Жыве і працуе ў Магілёве.
Кандыдат гістарычных навук, дацэнт кафэдры гуманітарных
дысцыплін Магілёўскага дзяржаўнага ўнівэрсітэта харчавання.
Адзін са стваральнікаў
і першы дырэктар Музея гісторыі Магілёва (1992-2001 гады).
Скончыў гістарычны факультэт Магілёўскага дзяржаўнага
педагагічнага інстытуту, аспірантуру Інстытуту гісторыі НАНБ (1999).
У
Інстытуце гісторыі ў 2002 г. абараніў кандыдацкую дысэртацыю «Нацыянальныя меншасці БССР у грамадска-палітычным і культурным жыцці
1920-я гг.».
Аўтар 4 манаграфій, 2 курсаў лекцый, а таксама,  больш за 220 артыкулаў у навуковых выданнях
Беларусі, Польшчы, Расіі, Чэхіі. Суаўтар 7 кніг па гісторыі Магілёва.